پاکستان

پاکستان یورپی یونین کے ساتھ تجارتی تعلقات کو مستحکم کرنا چاہتا ہے: شاہ محمود

وزیر خارجہ شاہ محمود قریشی نے کہا ہے کہ پاکستان یورپی ممالک کے ساتھ تجارتی اور اقتصادی تعلقات کو مزید مستحکم کرنا چاہتا ہے۔

وہ جمعرات کے روز اسلام آباد میں یورپی ممالک کے سفیروں سے گفتگو کر رہے تھے۔ وزیر خارجہ نے کہا کہ پاکستان میں سرمایہ کاری کے بڑے مواقع موجود ہیں۔

انہوں نے کہا کہ کوویڈ ۔19 کے باوجود پاکستان میں یورپی کمپنیوں سے سرمایہ کاری کے پورٹ فولیو میں نمایاں اضافہ ہوا ہے۔ انہوں نے اطمینان کا اظہار کیا کہ دوطرفہ تجارت میں بھی بہتری آئی ہے۔

وزیر خارجہ نے کہا کہ یوروپی ممالک کے ساتھ مشترکہ معاشی کمشنرز کو زیادہ متحرک اور موثر بنانے کے لئے ایک منصوبہ تیار کیا جارہا ہے۔ انہوں نے کہا کہ ہم یورپ سے آنے والے تاجروں کو ہر ممکن سہولت فراہم کر رہے ہیں۔

روشن ڈیجیٹل اکاؤنٹ کا حوالہ دیتے ہوئے انہوں نے کہا کہ تارکین وطن پاکستانیوں نے پچھلے چند مہینوں میں اس اقدام کے ذریعے پانچ سو ملین ڈالر پاکستان بھیجے ہیں۔

انہوں نے کہا کہ دونوں اطراف کو باہمی تجارت کے راستے میں رکاوٹوں کو دور کرنے کے لئے مشترکہ لائحہ عمل تیار کرنے کی ضرورت ہے۔ انہوں نے کہا کہ دوطرفہ تعلقات کو مزید مستحکم کرنے کے لئے ادارہ جاتی تعاون ضروری ہے۔

Related Articles

Leave a Reply

Your email address will not be published. Required fields are marked *

Back to top button