ماسکو(ویب ڈیسک)روس کے یوکرین پر حملے کے بعد عالمی منڈی میں تیل کی قیمتوں میں اضافے کے باعث پاکستان میں بھی پیٹرولیم مصنوعات کی قیمتوں میں اضافے کا امکان ہے۔
انڈسٹری ذرائع کے مطابق پاکستان میں پیٹرول کی قیمت میں 7 روپے فی لیٹر اضافے کا امکان ہے۔
ذرائع کا کہنا ہے کہ عالمی منڈی میں قیمتیں 100 ڈالر فی بیرل سے اوپر رہیں تو یکم مارچ سے ملک میں پیٹرولیم مصنوعات میں اضافہ ناگزیر ہو جائے گا۔
انڈسٹری ذرائع کا مزید کہنا ہے کہ ملک میں پیٹرول کی قیمت میں 7 روپے اور ڈیزل کی قیمت میں 6 روپے فی لیٹر تک اضافہ ہوسکتا ہے۔
واضح رہے کہ روسی صدر ولادیمیر پیوٹن نے یوکرین پر خصوصی فوجی آپریشن کا اعلان کرتے ہوئے یوکرین کی فوج سے ہتھیار ڈالنے کا مطالبہ کیا ہے۔
صدر پیوٹن نے دھمکی دی ہے کہ اگر کسی نے مداخلت کی تو وہ جوابی کارروائی کریں گے۔
پیوٹن کے مطابق یہ فوجی کارروائی یوکرین کی دھمکیوں اور غیر مسلح خطے کا جواب ہے۔
