کراچی(ویب ڈیسک) سندھ ہائی کورٹ نے ایف آئی اے کی کارروائی کے خلاف حریم شاہ کی درخواست مسترد کردی۔
تفصیلات کے مطابق سندھ ہائی کورٹ میں حریم شاہ کے خلاف ایف آئی اے انکوائری کے معاملے پر سماعت ہوئی۔ عدالت نے کہا کہ عدالتی حکم کے باوجود درخواست گزار پیش کیوں نہیں ہوئے۔
وکیل حریم شاہ نے کہا کہ حریم شاہ عمرے کی ادائیگی کے لیے گئی ہیں۔ اگر وہ عدالتی حکم کو اتنا ہی غیر ضروری سمجھتے ہیں تو اب درخواست نمٹا دیں گے۔ حریم شاہ واپس آئیں تو نئی درخواست دائر کر سکتی ہیں۔
عدالت نے ایف آئی اے کی کارروائی کے خلاف حریم شاہ کی درخواست مسترد کردی، جس پر وکیل حریم شاہ نے کہا کہ بینک اکاؤنٹس اور سوشل میڈیا اکاؤنٹس منجمد کیے گئے، ایف آئی اے نے حریم شاہ کی عدم موجودگی میں کارروائی کی۔
اسسٹنٹ اے جی نے عدالت کو بتایا کہ ایف آئی اے نے کئی نوٹس بھیجے لیکن حریم شاہ پیش نہیں ہوئیں۔
گزشتہ سماعت میں سندھ ہائی کورٹ نے حریم شاہ کو 18 اپریل تک ایف آئی اے کے سامنے سرنڈر کرنے کا حکم دیا تھا۔
وکیل نے استدعا کی کہ حریم شاہ کو پیش ہونے کے لیے ایک ماہ کا وقت دیا جائے جس پر جسٹس اقبال کلہوڑو نے کہا کہ پہلے حکم میں ہم نے حریم شاہ کو سرنڈر کرنے کا حکم دیا تھا لیکن وہ ایف آئی اے کے سامنے پیش نہیں ہوئیں۔ ہاں، ہم نے رعایت دی ہے۔ اس کا مطلب حکم کی نافرمانی نہیں ہے۔ ہم مزید رعایت نہیں دے سکتے۔
