کامیڈی کرنا دنیا کے مشکل ترین کاموں میں سے ایک ہے، یہاں تک کہ اگر آپ بہت منجھے ہوئے فنکار ہیں تو پھر بھی آڈینس کے سامنے جاتے ہوئے گھبرائیں گے ۔چاہے آپ کے پاس سب کچھ موجود ہو، لیکن آواز میں تھرتھراہٹ ہوگی، آپ کو ہچکچاہٹ محسوس ہوگی، اور زبان ساتھ نہیں دے گی لیکن شیخ قاسم کا یہی تو جادو جو ان کو باقی سب سے منفرد بناتا ہے اور، ایسا اعتماد تو جادو ہے۔
بچپن میں ہوئے ایک واقع نے اسے ہکلانے پر مجبور کردیا، لیکن شیخ قاسم نے پاکستان ٹی وی انڈسٹری میں ہار نہ مانتے ہوئے اپنے کیرئیر کو مظبوط کیا ہے اور اپنے خوابوں کے تعاقب میں YouTube ویڈیوز/بلاگز، ٹی وی، فلم ہر جگہ اپنی نمایاں پہچان بنا رہے ہیں۔
35 سالہ نوجوان قاسم آجکل ابھرتے ہوئے اور نمایاں ویب ٹی وی ‘ ایم وائے کے’ سے منسلک ہیں جہاں وہ کام کرتے ہوئےفن کے اس مقام تک پہنچنے کے لیے کوشاں ہیں جو ان کی خواہش ہے۔
قاسم کے ہر ایکٹ کے بارے میں جو بات طاقتور ہے وہ یہ ہے کہ وہ اپنے ہکلانے کو اپنی طاقت بناتا ہے اور دیکھنے والوں کو یہ بتاتا ہے کہ زندگی میں کوئی ایسی رکاوٹ نہیں ہے جسے دور نہ کیا جا سکے اگر آپ کے پاس کامیاب ہونے کا عزم ہو۔ یہ ہم سب کے لیے بہت بڑا سبق ہے۔
شیخ قاسم نے اپنے فنی کیرئیر کا آغاز تو ایک فیشن پروگرام میں کیمرے کے پیچھے سے کیا تھا لیکن یہ معروف ایکٹر علی عباس تھے جنہوں نے ان کا فن پہچانا اور ان کو ایکٹنگ اور ہوسٹنگ کرنے کے لیے مجبور کیا۔قاسم کو پاکستانی میڈیا پر کام کرتے 10 سال کا طویل وعرصہ گزر چکا ہے،بحثیت کامیڈی شو ہوسٹ کے ان کا پہلا شو تھا ‘مہمان قدردان ‘ جو کہ اے ٹی وی پر نشر ہوا تھا۔ اور دیکھتے ہی دیکھتے شیخ قاسم کے منفرد اور دلچسپ انداز نے مقبولیت حاصل کرلی۔ وہ اپنے مختکلف شوز میں تقریباً پاکستان کے تمام بڑے فنکاروں کا انٹرویو کرچکے ہیں۔ اور سوشل میڈیا پر ان کی ویڈیوز ملینز میں ویوز حاصل کرچکی ہیں۔ انہوں نے مہمان قدردان، شیخ چلی ، شیخیاں اور وہ والا شو جیسے کئی پروگرام کئے ہیں ،آج کل وہ جیو ٹی وی کے کامیڈی شو ‘ ہسنا منع ہے’ میں بھی اسپیشل پرفارمنس دے رہے ہیں۔ ان کے مزاحیہ ترین شو میں سے ایک ملاحظہ کریں:
اگر آپ کو لگتا ہے کہ آپ کچھ نہیں کر سکتے ہیں – جیسے زندگی میں کچھ حاصل کرنا چاہے وہ ایک میل تک دوڑ لگانا ہی کیوں نہ ہو، رکاوٹوں کے ڈر سے آپ کبھی بھی کہیں نہیں پہنچ پائیں گے۔ لیکن اگر آپ انہیں رکاوٹوں کو اپنے فائدے کے لیے استعمال کرتے ہیں تو یہ آپ کو کامیاب ہونے میں مدد دے سکتی ہیں۔ جب آپ کامیاب ہونے کا عہد کرتے ہیں، چاہے آپ کے راستے میں تمام مشکلات ہی کیوں نہ ہوں ، جیسا کہ زندگی میں شیخ قاسم نے کیا، آپ فتح حاصل کر سکتے ہیں! اگر آپ زندگی میں کوئی اعلیٰ مقام چاہتے ہیں، تو آپ اسے حاصل کر لیں گے! یہاں ایک اور ویڈیو ہے جو آپ کو دکھاتی ہے کہ کس طرح شیخ قاسم نے سرحد کے دونوں طرف سے لوگوں کے دل جیت لیے ہیں۔
شو کے دوارن ان کی بیوقوفیوں کی بدولت، پاکستانی کامیڈی میں نیا رنگ شامل ہوا ہے۔ ٹیکنالوجی کے اس زمانے میں زیادہ تر لوگوں کے لیے کہیں سے بھی انسپائریشن لینا اور اپنے ایکٹس کو چوری کرنا عام سے بات ہے جس کی وجہ سے کونٹینٹ کا معیار گر چکا ہے لیکن یہ یقین سے کہا جاسکتا ہے شیخ قاسم ان مزاح نگاروں میں سے ایک ہیں جو یونیک ہونے کے ساتھ ساتھ 100 فیصد اوریجنل بھی ہیں۔
کامیڈی بھی ایک باکسنگ کی طرح ہے۔ جس طرح ایک فائٹر کو یقین ہونا چاہیے، جب وہ رنگ میں قدم رکھتا ہے، کہ وہ ناک آؤٹ سے جیتنے والا ہے، اسی طرح ایک مزاح نگار کو بھی یقین ہونا چاہئے کہ وہ ہر ایک کو ہنسانے والا ہے۔ چاہے وہ ذہنی طور پر سمجھتا ہو کہ ایسا نہیں ہو سکتا، لیکن اسے جذباتی طور پر یقین ہونا چاہیے کہ ایسا ہو گا۔ اور یہ خوبی اور اعتماد ہمارے شیخ قاسم میں بدرجہ اتم موجود ہے۔
مزید بلاگز پڑھنے کیلئے اس لنک پر کلک کریں : بلاگز
