اسلام آباد(ویب ڈیسک) نجی ٹی وی کے پروگرام میں وزیر اعظم کی جانب سے کارکردگی کی بنیاد پر وزرا کو سرٹیفکیٹ دینے کے طریقہ کار سے متعلق متنازع گفتگو پر وفاقی وزرا نے شدید ردعمل کا اظہار کیا ہے۔
تفصیلات کے مطابق وزیر خارجہ شاہ محمود قریشی نے ٹی وی پروگرام میں متنازع گفتگو پر شدید ردعمل کا اظہار کیا، اپنی ٹوئٹ میں انہوں نے لکھا کہ نیوز چینل پر غیر اخلاقی الفاظ کا استعمال قابل مذمت ہے، تنقید جائز حق ہے لیکن اس کا احاطہ کیا جائے۔ اخلاقیات سے گرنا بہت افسوسناک ہے۔
کل ایک نیوز چینل پر اینکر اور شرکاء کی جانب سے انتہائی لغو اور ذومعنی گفتگو کا استعمال شدید قابلِ مذمت ھے۔ یہ کونسی صحافت ھے؟ تنقید آپ کا جائز حق ھے لیکن تنقید کی آڑ میں اخلاقیات سے گرنا انتہائی افسوسناک ہے.
— Shah Mahmood Qureshi (@SMQureshiPTI) February 12, 2022
وفاقی وزیراطلاعات فواد چوہدری نے ٹوئٹ کیا کہ 2118 سے قانون لانے کی کوشش کر رہے ہیں، کابینہ قانون پاس کرے گی تو ہی گھٹیا اور لچرپن سے نجات مل سکے گی۔
درست بات اسی لئے 2018 سے قانون لانے کی کوشش کر رہا ہوں کابینہ قانون پاس کرے تو ہی ایسے گھٹیا اور لچر پن سے نجات ممکن ہے، #Ghaleez https://t.co/zYl55sqmOz
— Ch Fawad Hussain (@fawadchaudhry) February 12, 2022
وفاقی وزیر اسد عمر نے لکھا کہ مراد سعید کے بارے میں جو نفرت انگیز باتیں کہی گئیں، وہ میرے یا کسی پروگرام میں صحافی کے بارے میں کہی جائیں تو ہم کیا مطالبہ کریں گے۔ مراد سعید کو انشاء اللہ مزید کامیابی ملے گی لیکن اگر ہم نے ٹی وی سے ایسی غلاظت نہ روکی تو معاشرے میں تباہی پھیلے گی۔
جس اخلاق سے گری ہوئی مکروہ باتیں مراد سعید کے بارے میں کی گئ، اگر یہ میرے یا کسی صحافی کے بارے میں کسی پروگرام پر کی جائیں تو ہم کیا مطالبہ کرتے؟ مراد سعید تو انشاءاللہ مزید کامیابی حاصل کرے گا، لیکن ہم نے ایسی گندگی کو ٹی وی سے نا روکا تو معاشرے میں تباہی پھیلے گی
— Asad Umar (@Asad_Umar) February 12, 2022
سابق مشیر احتساب شہزاد اکبر بھی وزیروں کو کارکردگی پر سرٹیفکیٹ دینے کے حوالے سے نجی ٹی وی کے پروگرام میں متنازع ٹاک شو میں منظر عام پر آئے۔ غریدہ فاروقی اور ان کے مہمانوں کو معافی مانگنی چاہیے۔
It’s filthy n low grade sensational. It is good to see no serious journalist is supporting this sort of cheap theatric as it’s not journalism at all. Ghareeda Farooqi n her guests must apologise https://t.co/9J8rFcLGLv
— Mirza Shahzad Akbar (@ShazadAkbar) February 12, 2022
خیال رہے کہ گزشتہ روز ایک نجی ٹی وی چینل پر متنازع بحث ہوئی تھی جس پر وزیراعظم نے وزرا کو کارکردگی کے سرٹیفکیٹ دیے تھے۔
