وزیراعظم عمران خان اور پاکستان کے دورے پر بل گیٹس کے درمیان ملاقات

اسلام آباد(ویب ڈیسک) وزیراعظم عمران خان نے مائیکرو سافٹ کے بانی بل گیٹس سے ملاقات کی ہے جو اپنے پہلے دورہ پاکستان پر وفاقی دارالحکومت اسلام آباد آئے ہوئے ہیں۔

عمران خان اور بل گیٹس نے پولیو کے خاتمے اور دیگر اہم امور پر تبادلہ خیال کیا۔

قبل ازیں بل گیٹس نے چک شہزاد میں پاکستان پولیو پروگرام کا دورہ کیا۔

بل گیٹس کے دورے کے موقع پر معاون خصوصی برائے صحت ڈاکٹر فیصل سلطان بھی موجود تھے۔

ذرائع کا کہنا ہے کہ بل گیٹس کو پاکستان پولیو مہم پروگرام اور پاکستان میں پولیو سے متعلق پیش رفت اور چیلنجز کے بارے میں بریفنگ دی گئی۔

It is a pleasure to welcome Mr Bill Gates on his first ever visit to Pakistan. Planned engagements include review of progress on polio eradication; visits to NCOC and Ehsaas program as well as meeting the President, the PM and health leadership of the provinces.

— Faisal Sultan (@fslsltn) February 17, 2022

بل گیٹس نے پولیو کے خلاف اٹھائے گئے اقدامات کو سراہتے ہوئے کہا کہ پاکستان نے پولیو کے خاتمے کے لیے اقدامات کیے ہیں۔

بل گیٹس کا کہنا تھا کہ پولیو ورکرز اور والدین کے تعاون سے پاکستان ایک سال کے لیے پولیو فری رہا ہے اور پولیو پروگرام میں پاکستان کے ساتھ تعاون جاری رکھا جائے گا۔

بل گیٹس نے پاکستان کے پولیو ورکرز، ہیلتھ ورکرز اور والدین کے تعاون کو سراہا۔