اسلام آباد(ویب ڈیسک) وزیر داخلہ شیخ رشید احمد نے ملک میں وقت سے پہلے عندیہ دیا ہے کہ پاکستان میں جلد انتخابات ہو سکتے ہیں۔
میڈیا سے گفتگو کرتے ہوئے انہوں نے کہا کہ اپوزیشن کے پاس ہمارے نوکر ہیں تو ہمارے بھی نوکر ہیں۔ اپوزیشن اپنے ہی جال میں پھنس چکی ہے۔
وزیر داخلہ نے کہا کہ وزیراعظم 27 مارچ کو پریڈ گراؤنڈ میں تاریخ کا عظیم الشان جلسہ کریں گے۔
انہوں نے کہا کہ مسلم لیگ ن کی جانب سے ملاقات کی کوئی درخواست موصول نہیں ہوئی۔ مسلم لیگ ن لانگ مارچ کا شیڈول فراہم کرے۔
شیخ رشید نے کہا کہ ڈی جی ایف آئی اے کو سوشل میڈیا پر فوج اور عدلیہ کے خلاف بولنے والوں کے خلاف فوری کارروائی کرنے کی ہدایت کی ہے۔
انہوں نے کہا کہ آج سے اچھی خبریں سنیں گے، حالات دن بدن بہتر ہوں گے، اتحادیوں سے پوری امید ہے، پاکستان کی عدلیہ دور اندیش اور باشعور عدلیہ ہے، امید ہے ملک اور جمہوریت آگے بڑھے گی۔
شیخ رشید نے کہا کہ مہنگائی نے ہمیں مارا ہے، 25 مارچ کو صرف دعائیں ہی خیر ہوں گی، میں عمران خان کے ساتھ کھڑا ہوں، عثمان بزدار کہیں نہیں جارہے، وہ بھی میری طرح عمران خان کے ساتھ کھڑے ہیں۔
انہوں نے کہا کہ یہ اچھی بات ہے کہ اتحادیوں کا فیصلہ دیر سے ہوتا ہے۔
وزیر داخلہ نے کہا کہ ہمارے پاس اپوزیشن کے لوگ بھی ہیں جو الیکشن میں نہیں جائیں گے، ہمارے پاس اپوزیشن کے لوگ ذمہ دار ہیں۔
انہوں نے کہا کہ جو لوگ سمجھتے ہیں کہ پارٹیاں بدلنے سے عزت ملتی ہے، ایسا نہیں ہے، بلاول کے دودھ کے دانت ابھی تک نہیں ٹوٹے۔
شیخ رشید نے کہا کہ میں نے سندھ میں ایمرجنسی کے لیے اپنی رائے دی تھی، گورنر راج لگایا جائے، عمران خان نے دونوں کو مسترد کردیا، پاکستان کی اسٹیبلشمنٹ پاکستان کے ساتھ ہے۔
انہوں نے کہا کہ وہ سندھ میں ایمرجنسی کے حق میں تھے لیکن اب معاملہ آگے بڑھ گیا ہے۔ وہ گورنر راج لگانے کے حق میں تھے لیکن عمران خان نے میری تجاویز کو مسترد کر دیا۔
عمران خان نے کہا کہ وہ جہاں بھی گئے جولندن سے بیٹھ کر فوج کو گالیاں دیتے تھے، ادارے کبھی نہیں بھولتے، ان کے ووٹ کی عزت دفن ہو چکی ہے، انہوں نے عمران خان کو زندہ کیا ہے۔
