اسلام آباد(ویب ڈیسک) وزیراعظم عمران خان کی زیرصدارت سیاسی کمیٹی کے اجلاس میں قومی و صوبائی اسمبلیوں سے استعفوں کی تجاویز پر غور کیا گیا ہے۔
تفصیلات کے مطابق وزیراعظم عمران خان کی زیر صدارت سیاسی کمیٹی کا اجلاس ہوا جس میں پرویز خٹک، اسد عمر، فواد چوہدری، شیخ رشید، حماد اظہر، فرخ حبیب، شوکت ترین اور بابر اعوان نے شرکت کی۔
اجلاس میں سپریم کورٹ کے فیصلے کے بعد کی سیاسی صورتحال کا جائزہ لیا گیا اور قومی و صوبائی اسمبلیوں سے مستعفی ہونے کی تجاویز پر غور کیا گیا۔
سیاسی کمیٹی کے اجلاس میں وزیراعظم کی عوامی مہم پر بھی غور کیا گیا اور قومی اسمبلی اجلاس سے متعلق مختلف امور کا جائزہ لیا گیا۔
اس سے قبل وزیراعظم عمران خان کی زیر صدارت قانونی ٹیم کا مشاورتی اجلاس ہوا جس میں سپریم کورٹ کے فیصلے پر بریفنگ اور قانونی نکات کا جائزہ لیا گیا۔
انہوں نے کہا کہ وزیراعظم آج شام قوم سے خطاب بھی کریں گے۔ انہوں نے کہا کہ پاکستان کے لیے آخری دم تک لڑتے رہیں گے۔
