اسلام آباد(ویب ڈیسک) سابق وزیراعظم عمران خان آج ٹویٹراسپیس سیشن میں شرکت کریں گے، کپتان کی گفتگو سوشل میڈیا پر براہ راست نشر ہوگی۔
تٖفصیلات کے مطابق تحریک انصاف کے چیئرمین عمران خان آج رات دس بجے ٹویٹر اسپیس سیشن میں شرکت کریں گے ، کپتان کی گفتگو سوشل میڈیا پر براہ راست نشر کی جائے گی۔
PTI Social Media Team is proud to host Chairman Imran Khan on a Twitter Space Session tomorrow at 10pm
It will be hosted by Dr. Arslan Khalid (@arslankhalid_m) & Jibran Ilyas (@agentjay2009)
Please share questions under this tweet! #PakistanNeedsElections #امپورٹڈ_حکومت_نامنظور pic.twitter.com/ILVNl5fkLt
— PTI (@PTIofficial) April 19, 2022
گذشتہ روز پاکستان تحریک انصاف کے چیئرمین اور سابق وزیر اعظم عمران خان نے سوشل میڈیا پر قوم سے براہ راست گفتگو کرنے کا فیصلہ کیا تھا ، اس سلسلے میں پاکستان تحریک انصاف کی آفیشل سوشل میڈیا ٹیم کو تیاریوں کی باضابطہ ہدایت کر دی گئی تھی۔
خیال رہے عمران خان کے فالوورز ان کے پہلے ٹوئٹر اسپیس سیشن کے لیے پرجوش ہیں اور پوری دنیا سے سامعین کی زیادہ سے زیادہ تعداد جمع کرکے تمام ریکارڈ توڑ دینے کی توقع کر رہے ہیں۔
عمران خان نے عوام سے لاہور جلسے میں شرکت کی اپیل کرتے ہوئے کہا تھا کہ بیرونی سازش سے کرپٹ غلاموں کو ہم پرمسلط کیا جا رہا ہے، جو خود مختار اور آزاد پاکستان چاہتے ہیں وہ جمعرات کو مینارپاکستان آئیں۔
پی ٹی آئی چیئرمین کا کہنا تھا کہ آپ کواسی جگہ پر حقیقی آزادی کی جنگ لڑنے کیلئےبلارہا ہوں۔
دوسری جانب پی ٹی آئی لاہور جلسے کیلئے نئے ترانوں کی تیاری جاری ہے ، تحریک انصاف نے معروف گلوکار راحت فتح علی کی آواز میں’’دم مست قلندر‘‘ترانہ تیار کرلیا ہے۔
