اسلام آباد(ویب ڈیسک) وزیراعظم شہباز شریف نے طارق فاطمی سے وزارت خارجہ کا قلمدان واپس لے لیا تاہم طارق فاطمی معاون خصوصی رہیں گے۔
تفصیلات کے مطابق وزیراعظم شہباز شریف نے طارق فاطمی کی تقرری میں تبدیلی کی جس کے تحت طارق فاطمی سے وزارت خارجہ کا قلمدان واپس لے لیا گیا۔
طارق فاطمی معاون خصوصی رہیں گے، صرف خارجہ امور کی ذمہ داری واپس لے لی گئی ہے اور اس حوالے سے نوٹیفکیشن بھی جاری کر دیا گیا ہے۔
نوٹیفکیشن میں کہا گیا ہے کہ معاون خصوصی طارق فاطمی کو بھی وزیر مملکت کا عہدہ دیا گیا ہے۔ اس سے قبل کے نوٹیفکیشن میں طارق فاطمی کو وزیر مملکت کا عہدہ نہیں دیا گیا تھا۔
نوٹیفکیشن کے مطابق معاون خصوصی طارق فاطمی کا عہدہ وزیر مملکت کے برابر ہوگا اور انہیں وزیر مملکت جیسی مراعات حاصل ہوں گی۔
خیال رہے کہ گزشتہ روز وزیراعظم شہباز شریف نے طارق فاطمی کو معاون خصوصی برائے امور خارجہ تعینات کیا تھا۔ طارق فاطمی ڈان لیکس سکینڈل کے مرکزی کرداروں میں سے ایک تھے۔
واضح رہے کہ انہیں 2016 میں ڈان لیکس پر اسی عہدے سے ہٹا دیا گیا تھا۔
خیال رہے کہ طارق فاطمی اس سے قبل 2013 سے 2017 تک وزیراعظم نواز شریف کے معاون خصوصی برائے امور خارجہ رہ چکے ہیں۔
