لاہور(ویب ڈیسک) نومنتخب وزیراعلیٰ پنجاب حمزہ شہباز کی تقریب حلف برداری آج گورنر ہاؤس میں متوقع ہے۔
گورنر ہاؤس ذرائع کے مطابق چیئرمین سینیٹ صادق سنجرانی حلف اٹھانے کے لیے لاہور آئیں گے جس کے لیے گورنر ہاؤس میں تقریب حلف برداری کی تیاریاں شروع کردی گئی ہیں۔
دوسری جانب گورنر پنجاب عمر سرفراز چیمہ کی طبیعت ناساز ہونے پر انہیں طبی معائنے کے لیے اسپتال منتقل کر دیا گیا جہاں ان کے ضروری ٹیسٹ کیے جا رہے ہیں۔
خیال رہے کہ گزشتہ روز لاہور ہائی کورٹ نے صدر مملکت ڈاکٹر عارف علوی کو حمزہ شہباز کے وزیراعلیٰ پنجاب کے عہدے کا حلف نہ اٹھانے کے بعد وزیراعلیٰ پنجاب کا حلف اٹھانے کے لیے دوسرا نمائندہ مقرر کرنے کا حکم دیا تھا۔
خیال رہے کہ نومنتخب وزیراعلیٰ حمزہ شہباز شریف نے حلف نہ اٹھانے پر لاہور ہائیکورٹ میں درخواست دائر کی تھی جس کی گزشتہ روز سماعت ہوئی۔ عدم منظوری کی صورت میں سپیکر حلف اٹھا سکتا ہے اور سپیکر کو درخواست میں فریق نہیں بنایا گیا ہے۔
دوسری جانب ایڈووکیٹ جنرل نے دلائل دیتے ہوئے کہا کہ گورنر پنجاب محسوس کرتے ہیں کہ وزیر اعلیٰ پنجاب کا انتخاب آئین کے تحت نہیں ہے اور اسمبلی میں ایسی غیر معمولی صورتحال پیدا ہو گئی ہے جو پہلے کبھی نہیں دیکھی گئی۔
فریقین کو سننے کے بعد چیف جسٹس لاہور ہائی کورٹ عامر بھٹی نے کیس کا مختصر فیصلہ سناتے ہوئے کہا کہ گورنر پنجاب حلف اٹھانے سے انکار نہیں کر سکتے۔ میں اب ایک مختصر فیصلہ لکھ رہا ہوں، جس کی ایک کاپی صدر مملکت کو بھیجی جائے اور صدر حلف اٹھانے کے لیے دوسرا نمائندہ مقرر کریں جب کہ کیس کا تفصیلی فیصلہ بعد میں جاری کیا جائے گا۔
