اسلام آباد(ویب ڈیسک) وزیراعظم شہباز شریف ایک روزہ دورے پر کوئٹہ پہنچ گئے ہیں جہاں وہ صوبے میں امن و امان سے متعلق اجلاس کی صدارت بھی کریں گے۔
تفصیلات کے مطابق وزیر اعظم شہباز شریف آج ایک روزہ دورے پر کوئٹہ پہنچ گئے ہیں۔ وفاقی وزراء بھی شہباز شریف کے ہمراہ ہیں۔
ذرائع کا کہنا ہے کہ شہباز شریف کوئٹہ میں امن و امان کی صورتحال پر اجلاس کی صدارت کریں گے جب کہ وہ کوئٹہ میں لیور اسپتال کا افتتاح اور کراچی کوئٹہ روڈ کا سنگ بنیاد رکھیں گے۔ افتتاح کریں گے۔
خیال رہے کہ دو روز قبل وزیراعظم شہباز شریف نے شمالی وزیرستان کا دورہ کیا تھا، جہاں آرمی چیف جنرل قمر جاوید باجوہ نے ان کا استقبال کیا تھا۔ دورے کے دوران کور کمانڈر پشاور لیفٹیننٹ جنرل فیض حمید نے وزیراعظم شہباز شریف کو سیکیورٹی صورتحال پر تفصیلی بریفنگ دی۔ وزیر اعظم شہباز شریف کے ہمراہ وزیر دفاع خواجہ آصف اور وزیر داخلہ رانا ثناء اللہ بھی تھے۔
