لاہور(ویب ڈیسک) پاکستان مسلم لیگ نواز کی رہنما مریم نواز شریف نے قومی احتساب بیورو (نیب) سے ان کے پاسپورٹ کی واپسی کی درخواست کا جواب دینے کی درخواست کی ہے۔
تفصیلات کے مطابق لاہور ہائیکورٹ کے جسٹس علی باقر نجفی کی سربراہی میں 2 رکنی بینچ نے مریم نواز شریف کی عمرہ کے لیے پاسپورٹ کی واپسی کی درخواست کی سماعت کی، اس دوران وکیل احسن بھون نے دلائل دیئے۔
مریم نواز کے وکیل احسن بھون نے عدالت میں دلائل دیتے ہوئے کہا کہ ان کی درخواست صرف پاسپورٹ کی واپسی کے لیے ہے جب کہ حکومت ایگزٹ کنٹرول لسٹ (ای سی ایل) میں ناموں کا جائزہ لے گی۔
درخواست گزار کے وکیل نے کہا کہ مریم نواز کو عمرے پر جانا ہے، آخری عشرہ ہے، رحمتوں اور نیکیوں کا مہینہ ہے، پاسپورٹ کی واپسی کا حکم دیا جائے، یہ نیکی ہے۔ جس پر جسٹس علی باقر نجفی نے ریمارکس دیئے کہ نیکی کرو اور دریا میں پھینک دو۔
عدالت نے نیب کو نوٹس جاری کرتے ہوئے جواب طلب کرتے ہوئے ای سی ایل سے متعلق رولز پیش کرنے کی ہدایت کرتے ہوئے درخواست کی سماعت کل تک ملتوی کردی۔
