اسلام آباد: حکومت نے ملک بھر میں قومی شاہراہوں اور موٹرویز پر ٹریفک قوانین کی خلاف ورزی پر جرمانے میں 200 فیصد تک اضافے کا اعلان کیا ہے۔
موٹرویز اور ہائی ویز پر اوور اسپیڈنگ پر جرمانہ بڑھا کر 2000 روپے کر دیا گیا ہے۔ ہلکی گاڑیوں کے لیے زیادہ سے زیادہ رفتار کی حد 120 کلومیٹر فی گھنٹہ اور بھاری گاڑیوں کے لیے 110 کلومیٹر فی گھنٹہ ہے۔
پولیس اب موٹر سائیکل سواروں، کاروں اور بغیر لائسنس کے ڈرائیونگ کرنے والے ایل ٹی وی ڈرائیوروں سے روپے وصول کرے گی۔
موٹر سائیکل سواروں کے لیے اب جرمانے کی حد 1,000 روپے، کاروں، اورایل ٹی وی ڈرائیوروں کے لیے 5000، ایچ ٹی وی اور پی ایس وی ڈرائیوروں کے لیے 10,000 کردیا گیا ہے۔
پولیس غلط اوور ٹیکنگ پر 3000 روپے جرمانہ کرے گی جبکہ ایچ آئی ڈی لائٹس کے استعمال پر 2000 روپے جرمانہ ہوگا۔
اگست کے شروع میں، نیشنل ہائی وے اتھارٹی نے لاہور-اسلام آباد موٹر وے پر ٹول ٹیکس کی شرح کو ایک اور وقت کے لیے بڑھا دیا تھا۔
نوٹیفکیشن کے مطابق لاہور اسلام آباد موٹروے پر لاگو نئے ٹیکسز کا اطلاق 26 اگست سے ہوا اور یہ اگلے 12 ماہ تک نافذ رہیں گے۔
نظرثانی شدہ نرخوں کے مطابق کار کے ٹول کی قیمت میں 3.7 روپے فی کلومیٹر اضافہ کرکے 1100 روپے کردیا گیا ہے، جب کہ ویگن کا 1840 روپے کردیا گیا ہے۔
