عمران خان کے خلاف توہین الیکشن کمیشن کیس سماعت کے لئے مقرر
اسلام آباد: الیکشن کمیشن نے پاکستان تحریک انصاف کے بانی اور سابق وزیراعظم عمران خان کے خلاف توہینِ الیکشن کمیشن کیس کی سماعت کی تاریخ کا اعلان کر دیا ہے۔ ذرائع کے مطابق، یہ سماعت 17 دسمبر کو ہو گی جس کے لیے کاز لسٹ اور نوٹسز بھی جاری کر دیے گئے ہیں۔
یاد دہانی کے طور پر، 21 نومبر کو الیکشن کمیشن نے عمران خان کو ہدایت دی تھی کہ وہ توہینِ الیکشن کمیشن کیس میں اپنی موجودگی یقینی بنائیں۔ یہ کیس اگست 2022 کا ہے، جب الیکشن کمیشن نے عمران خان، اسد عمر، اور فواد چودھری کو مختلف جلسوں، پریس کانفرنسز، اور انٹرویوز میں الیکشن کمیشن پر الزامات لگانے اور چیف الیکشن کمشنر کے خلاف توہین آمیز بیانات دینے پر نوٹسز جاری کیے تھے۔
