منی لانڈرنگ کیس: فریال تالپور سمیت 14 افراد بے گناہ قرار
کراچی:کروڑوں روپے کی منی لانڈرنگ اور جعلی اکاؤنٹس کے ذریعے رقم منتقلی کے مقدمے میں ایف آئی اے نے فریال تالپور سمیت 14 افراد کو بے گناہ قرار دے دیا ہے۔
ایکسپریس نیوز کی رپورٹ کے مطابق، بے گناہ قرار پانے والوں میں اشرف جتوئی، شہزاد جتوئی، بلال شیخ (مرحوم)، اسلم مسعود، نورین سلطان، کرن آمنہ، محمد مغیری، سید حسین، حسن شاہ، نصیر عبداللہ، محمد اقبال نور اور دیگر افراد شامل ہیں۔
ایف آئی اے کے مطابق، ان افراد کے خلاف کوئی قابل اعتماد یا مضبوط شواہد نہیں ملے۔
دوسری جانب، اس کیس میں صدر مملکت آصف زرداری، حسین لوائی، اور انور مجید سمیت 20 افراد کے نام بدستور شامل ہیں۔ ایف آئی اے کی جانب سے جمع کرائے گئے چالان کو عدالت نے منظور کر لیا، جس میں سے عدالت نے بے گناہ قرار دیے گئے افراد کے نام نکال دیے ہیں۔
