بابر اعظم سے بات کرنے پر ردعمل دیکھ کر حیران رہ ہوں، وسیم اکرم

لاہور(ویب ڈیسک)پاکستان سپر لیگ (پی ایس ایل) کی ٹیم کراچی کنگز کے صدر اور مشہور کرکٹر وسیم اکرم کا کہنا ہے کہ وہ گزشتہ روز بابر سے باؤنڈری پر بات کرنے پر ردعمل دیکھ کر حیران رہ گئے۔

انہوں نے ٹوئٹر پر ایک بیان میں کہا کہ ‘میں گزشتہ رات بابر سے باؤنڈری پر بات کرنے کا ردعمل دیکھ کر حیران رہ گیا، میں نے صرف بابر سے پوچھا کہ ہمارے بولرز یارکر کیوں نہیں کر رہے ہیں’۔

وسیم اکرم نے کراچی کنگز کے کپتان کی تعریف کرتے ہوئے کہا کہ ‘بابر ایک شاندار لڑکا ہے اور اس نے اپنی پوری کوشش کی’۔

Hello ! Surprised to see reactions on my talking to Babar at the boundary last night. What I was saying was ‘why our bowlers are not bowling yorkers or slower ones offside off’.nothing else . Babar is a wonderful boy and has tried his best. And what he wants for dinner 🥘 1/2

— Wasim Akram (@wasimakramlive) February 17, 2022

واضح رہے کہ گزشتہ روز کراچی کنگز اور ملتان سلطانز کے درمیان کھیلے گئے میچ کے آخری اوور میں وسیم اکرم باؤنڈری لائن پر آئے اور کپتان بابر اعظم کی حکمت عملی سے مطمئن نہ ہوئے اور ناراضگی کا اظہار کیا۔

وسیم اکرم اور بابر اعظم کی ویڈیو سوشل میڈیا پر وائرل ہو رہی ہے، جس میں دیکھا جا سکتا ہے کہ وسیم اکرم کراچی کنگز کے کپتان پر غصے کا اظہار کر رہے ہیں۔

واضح رہے کہ بابر اعظم کی قیادت میں کراچی کنگز ایچ بی ایل پاکستان سپر لیگ (پی ایس ایل) میں لگاتار آٹھ میچ ہار چکی ہے۔

گزشتہ روز کھیلے گئے میچ میں ملتان سلطانز نے کراچی کنگز کو 7 وکٹوں سے شکست دی تھی۔