نیویارک(ویب ڈیسک) فیس بک نے روس کے سرکاری میڈیا پر اپنے پلیٹ فارم پر اشتہارات چلانے پر پابندی لگا دی ہے۔
میٹا کی جانب سے ایک بیان میں کہا گیا ہے کہ “ہم نے روس کے سرکاری میڈیا پر دنیا میں کہیں بھی اپنے پلیٹ فارمز پر اشتہارات چلانے پر پابندی لگا دی ہے۔”
دوسری جانب مائیکرو بلاگنگ سائٹ ٹوئٹر کی جانب سے جاری بیان میں کہا گیا ہے کہ ہم روس اور یوکرین میں اشتہارات کو عارضی طور پر معطل کر رہے ہیں۔
واضح رہے کہ روس اور یوکرین کے درمیان جاری تنازع سوشل میڈیا پر بھی موضوع بحث ہے۔ یہ جنگ صرف یوکرین کے شہروں میں ہی نہیں سوشل میڈیا پر بھی جاری ہے۔
