انٹرنیشنل (ویب ڈیسک) باہمی رابطوں کیلئے دنیا بھر میں سب سے زیادہ استعمال ہونے والی ایپلی کیشن واٹس ایپ نے اپنے صارفین کی سہولت کیلئے ایک اور منفرد فیچر متعارف کرایا ہے۔
واٹس ایپ نے سال 2021 میں بیک وقت کئی ڈیوائسز پر واٹس ایپ کو استعمال کرنے کی سہولت جو بیٹا ورژن میں دستیاب تھی اور 4 مختلف ڈیوائسز پر واٹس ایپ تک رسائی انٹرنیٹ سے کنکٹ پرائمری اسمارٹ فون کے بغیر بھی کرسکیں گے۔
اب صارفین موبائل فون کے بغیر بھی واٹس ایپ کو ڈیسک ٹاپ سے استعمال کر سکیں گے۔
اس کے علاوہ اس نئے فیچر کی سب سے اہم خوبی اس کی تیز رفتار اسپیڈ ہے جس کی بدولت صارفین بیک وقت چاروں لنکڈ ڈیوائسز سے اپنا واٹس ایپ تیز اسپیڈ کے ساتھ بغیر روکے استعمال کرسکیں گے، لیکن کچھ فیچرز جیسے ویڈیو اور وائس کالنگ گوگل کروم آئی پیڈ میں استعمال کرنے کی سہولت میسر نہیں ہوگی۔
رپورٹ کے مطابق یہ تمام لنکڈ ڈیوائسز صارف کے موبائل فون پر ہی انحصار کریں گی اگر صارف کے موبائل میں اگلے 14 دن تک واٹس ایپ استعمال نہیں کی گئی ہوگی تو تمام لنکڈ ڈیوائسز سے واٹس ایپ اکاؤنٹ خود ہی لاگ آؤٹ ہوجائے گا۔
واضح رہے کہ پہلے کسی دوسری ویب پر اپنا واٹس ایپ اکاؤنٹ لاگ ان کرنے کے لیے صارف کو مستقل اپنے موبائل میں لاگ ان رہنا اور موبائل کا پاور آن رکھنا ضروری تھا۔
