لندن (ویب ڈیسک) سمندری طوفان یونس نے برطانیہ میں 100 میل فی گھنٹہ کی رفتار سے تیز ہواؤں کی وارننگ دی ہے۔ حکام نے لوگوں کو گھروں کے اندر رہنے کی تاکید کی ہے۔
برطانوی میڈیا کے مطابق لندن میں سمندری طوفان یونس کے باعث ریڈ وارننگ جاری کرتے ہوئے لوگوں کو گھروں کے اندر رہنے کی ہدایت کی گئی ہے۔
برطانوی محکمہ موسمیات نے جمعہ کو جنوبی مغربی انگلینڈ اور ساؤتھ ویلز میں شدید موسم کے لیے ریڈ وارننگ جاری کی ہے۔ حکومت نے شدید موسم کی صورتحال پر غور کے لیے کوبرا اجلاس بھی طلب کیا ہے۔
برطانوی محکمہ موسمیات کا کہنا ہے کہ 100 میل فی گھنٹہ کی رفتار سے چلنے والی ہوائیں انسانی زندگی کے لیے خطرہ بن سکتی ہیں۔
واضح رہے کہ سمندری طوفان ڈڈلی کے باعث ملک کے مختلف علاقوں میں مسافروں کو شدید مشکلات کا سامنا ہے اور ہزاروں گھر بجلی سے محروم ہیں۔ طوفان کے باعث کمبریا، نارتھ یارکشائر اور لنکا شائر میں 14 ہزار گھروں کی بجلی غائب ہو گئی۔
سکاٹ لینڈ بدھ کی شام سے متاثرہ ٹرین سروس کو بحال کرنے کے لیے اپنے پٹریوں کی صفائی کے عمل میں ہے۔
ویلز اور انگلینڈ اب جمعہ کو ایک اور سمندری طوفان یونس کا سامنا کریں گے، مغربی ویلز اور جنوب مغربی انگلینڈ میں 100 میل فی گھنٹہ کی رفتار سے ہوائیں چل رہی ہیں۔ محکمہ موسمیات نے جمعے کو پورے انگلینڈ کے لیے ایک ایمبر وارننگ جاری کی، جس کا مطلب ہے کہ یہ طوفان جان لیوا ہے۔
محکمہ موسمیات نے بعض علاقوں میں شدید طوفان کے باعث لوگوں کو گھروں کے اندر رہنے کی ہدایت بھی کی ہے۔
وزیر اعظم بورس جانسن کا کہنا ہے کہ برطانوی فوج مدد کے لیے تیار ہے۔
