سری لنکا جو کہ 1948 میں آزادی حاصل کرنے کے بعد ملک کے بدترین معاشی بحران کا شکار ہے، ملٹی ملین ڈالرز کے غیر ملکی قرضوں میں دب کر ڈیفالٹ کر گیا ہے۔
نئے وزیر اعظم رانیل وکرما سنگھے حکومت کو بیل آؤٹ کرنے کے لیے غیر ملکی مدد کی اپیل کر رہے ہیں، ملک کے پاس غیر ملکی کرنسی کے ذخائر تقریباً ختم ہو چکے ہیں۔
سری لنکا میں خوراک کی بڑھتی ہوئی قیمتوں اور ایندھن کی شدید قلت کی وجہ سے کئی ہفتوں سے لگاتار مظاہرے ہورہے ہیں۔
سری لنکا نے اپنا قرض ادا کیوں نہ کرسکا ؟
سری لنکا کی حکومت قرض کے سود کی ادائیگی کی شکل میں 78 ملین ڈالرز ادا کرنے میں ناکام رہی ، جس کی وجہ سے دنیا کی دو سب سے بڑی کریڈٹ ریٹنگ ایجنسیوں نے ڈیفالٹ ہونے کا اعلان کیا۔
ڈیفالٹ کسی ملک میں سرمایہ کاروں کے اعتماد کو شدید نقصان پہنچا سکتا ہے، اس کے لیے بین الاقوامی منڈیوں سے قرض لینا مشکل ہو جاتا ہے اور اس کی کرنسی کی قدر کو شدید خطرات لاحق ہوجاتے ہیں۔
سری لنکا غیر ملکی قرض دہندگان کے 50 بلین ڈالر کا مقروض ہے لیکن اس کا کہنا ہے کہ وہ انہیں ادا نہیں کر سکتا۔ اور انٹرنیشنل مانیٹری فنڈ (آئی ایم ایف) سے مزید قرض مانگ رہا ہے۔
وزیر اعظم وکرما سنگھے نے کہا ہے کہ قوم کو ایندھن جیسی ضروری درآمدات کی ادائیگی کے لیے اگلے چند دنوں میں فوری طور پر75 ملین ڈالرز کی غیر ملکی کرنسی کی ضرورت ہے۔
عام لوگ کیسے متاثر کر ہو رہے ہیں؟
کئی مہینوں سے، سری لنکا کے پاس بیرون ملک سے اپنی ضرورت کی تمام چیزیں خریدنے کے لیے غیر ملکی کرنسی کی کمی ہے۔ اشیائے خوردونوش اور ایندھن کی قلت نے قیمتوں میں اضافہ کر دیا ہے۔ مہنگائی اب 30 فیصد پر جا چکی ہے۔
بجلی کا شدید شارٹ فال ہے، اور ادویات کی کمی نے صحت کے نظام کو تباہی کے دہانے پر پہنچا دیا ہے۔
لوگوں نے اپریل کے اوائل میں دارالحکومت کولمبو کی سڑکوں پر احتجاج شروع کر دیا تھا اور یہ احتجاج جزیرے کے باقی حصوں میں پھیل گیا ہے۔
سری لنکا کی معیشت بحران کا شکار کیوں ہوئی؟
سری لنکا کے غیر ملکی کرنسی کے ذخائر عملی طور پر خشک ہو چکے ہیں، اور یہ اب خوراک اور ایندھن کی درآمدات کی ادائیگی کا بھی متحمل نہیں ہو سکتا۔
حکومت کوویڈ وبائی مرض کو مورد الزام ٹھہراتی ہے، جس نے سری لنکا کی سیاحتی تجارت کو متاثر کیا ، جو اس کی سب سے بڑی غیر ملکی کرنسی کمانے والی انڈسٹریز میں سے ایک ہے۔ اس میں یہ بھی کہا گیا ہے کہ سیاح 2019 میں گرجا گھروں پر ہونے والے مہلک بم حملوں کے سلسلے سے بھی خوفزدہ ہوئے ہیں۔
تاہم، بہت سے ماہرین کا کہنا ہے کہ دراصل ملک میں جاری معاشی بدانتظامی اس کی حقیقی ذمہ دار ہے۔
2009 میں اپنی خانہ جنگی کے اختتام پر، سری لنکا نے اپنی مصنوعات کی غیر ملکی مارکیٹوں کو تلاش کرنے کی بجائے مقامی مارکیٹ میں سامان فراہم کرنے پر توجہ دینے کا انتخاب کیا۔ اس لیے برآمدات سے آمدنی کم رہی، جب کہ درآمدات کا بل بڑھتا رہا۔
سری لنکا اب ہر سال اپنی برآمدات سے 3 بلین ڈالرز سے زیادہ درآمد کرتا ہے، اور اسی وجہ سے اس کے پاس غیر ملکی کرنسی کے ذخائر ختم ہو چکے ہیں۔
2019 کے آخر میں، سری لنکا کے پاس غیر ملکی کرنسی کے ذخائر 7.6 بلین ڈالرز تھے۔
مارچ 2020 تک اس کے ذخائر کم ہو کر 1.93 بلین ڈالرز ہو چکے تھے۔ اور حال ہی میں حکومت نے کہا کہ ان کے پاس اب صرف50 ملین ڈالرز تک رہ گئے ہیں۔
حکومت نے چین سمیت دیگر ممالک سے بھاری قرضے بھی جمع کیے ہیں، جو کہ ناقدین کے مطابق غیر ضروری منصوبوں پر خرچ کیے گئے ۔
اس کے بعد پیدا ہونے والے معاشی بحران کے لیے زیادہ تر عوامی غصہ صدر گوٹابایا راجا پاکسے اور ان کے بھائی مہندا پر تھا، جنہیں انھوں نے وزیر اعظم مقرر کیا تھا، لیکن پھر بڑے پیمانے پر مظاہروں کے پیش نظر مئی میں انہیں برطرف کر دیا گیا تھا۔
صدر راجا پاکسے کو 2019 میں حکومت میں آنے کے بعد ٹیکسوں میں بڑی کٹوتیوں پر تنقید کا نشانہ بنایا گیا۔ وزیر خزانہ علی صابری نے کہا ہے کہ ان کی وجہ سے حکومت کو سالانہ 1.4 بلین ڈالر سے زیادہ کا نقصان ہوا۔
2021 کے اوائل میں جب سری لنکا کی غیر ملکی کرنسی کی قلت ایک سنگین مسئلہ بن گئی، تو حکومت نے کیمیائی کھاد کی درآمد پر پابندی لگا کر، کسانوں سے کہا کہ وہ مقامی طور پر تیار کی جانے والی نامیاتی کھادوں کو استعمال کریں۔
اس کی وجہ سے فصلوں کی بڑے پیمانے پر تباہی ہوئی۔ سری لنکا کو اپنے کھانے پینے کا ذخیرہ بیرون ملک سے پورا کرنا پڑا جس کی وجہ سے اس کی غیر ملکی کرنسی کی قلت اور بھی بڑھ گئی۔
اس سال مارچ میں آئی ایم ایف کی ایک رپورٹ میں کہا گیا تھا کہ کھاد پر پابندی (نومبر 2021 میں تبدیل) نے چائے اور ربڑ کی برآمدات کو بھی نقصان پہنچایا، جس سے “ممکنہ طور پر کافی” زیادہ نقصان ہوا۔
کیا حکومت کے پاس بحران کے حل کے لیے کوئی منصوبہ ہے؟
وزیر اعظم رانیل وکرما سنگھے نے کہا ہے کہ حکومت کے پاس اب فنڈز کی اتنی کمی ہے کہ وہ ملازمین کی تنخواہوں کی ادائیگی کے لیے رقم چھاپے گی۔ انہوں نے خبردار کیا کہ یہ قیمتوں میں مزید اضافے کا باعث بنے گا، افراط زر 40% تک بڑھ جائے گا۔
ان کا یہ بھی کہنا ہے کہ سرکاری سری لنکن ایئر لائنز کی نجکاری کی جا سکتی ہے۔
سری لنکا کو کتنا غیر ملکی قرض ادا کرنا ہوگا؟
سری لنکا کی حکومت نے غیر ملکی قرضوں میں 51 بلین ڈالرز کا اضافہ کیا ہے۔
اس سال، ان قرضوں کو پورا کرنے کے لیے اسے 7 بلین ڈالرز ادا کرنے ہوں گے، آنے والے سالوں کے لیے اسی طرح کی رقم کے ساتھ۔ حکومت بین الاقوامی مالیاتی فنڈ (آئی ایم ایف) سے 3 بلین ڈالر کے ہنگامی قرضوں کی راہ تک رہی ہے تاکہ وہ مزید ادائیگی کر سکے۔
آئی ایم ایف نے کہا ہے کہ حکومت کو کسی بھی قرض کی شرط کے طور پر شرح سود اور ٹیکس میں اضافہ کرنا ہوگا۔
دوسری طرف ورلڈ بینک نے سری لنکا کو 600 ملین ڈالر قرض دینے پر رضامندی ظاہر کر دی ہے۔
ہندوستان نے بھی 1.9 بلین ڈالرز کا وعدہ کیا ہے اور وہ درآمدات کے لیے 1.5 بلین ڈالرز کا اضافی قرض بھی دے سکتا ہے۔ اس نے 65,000 ٹن کھاد اور 400,000 ٹن ایندھن بھی بھیجا ہے، جس کے بعد مئی میں مزید ایندھن کی ترسیل متوقع ہے۔
سرکردہ صنعتی ممالک کے جی7 گروپ – کینیڈا، فرانس، جرمنی، اٹلی، جاپان، برطانیہ اور امریکہ – نے کہا ہے کہ وہ سری لنکا کو قرض سے نجات حاصل کرنے میں مدد فراہم کریں گے۔
سری لنکا چین کا 6.5 بلین ڈالر کا مقروض ہے اور دونوں اس مسئلے پر بات کر رہے ہیں کہ قرض کی تنظیم نو کیسے کی جائے۔
مزید بین بین الاقوامی خبریں حاصل کرنے کیلئے اس لنک پر کلک کریں : بین الاقوامی خبریں
