روس اور یوکرین اناج کی ترسیل کے اہم راستوں کو کنٹرول کرنے کے لیے کوشاں ہیں، لیکن کون جیتے گا اور دنیا کی خوراک کی فراہمی کے لیے اس کا کیا مطلب ہوگا؟
یوکرین پر روسی حملے کے ابتدائی دنوں سے، ماسکو کے اسٹریٹجک مقاصد میں سے ایک تیزی سے عیاں ہو گیا کیونکہ اس کی بکتر بند گاڑیوں نے یوکرین کی ساحلی پٹی پر قبضہ کرنے اور اسے سمندر سے منقطع کرنے کی کوشش میں ساحل کے ساتھ ساتھ پیش قدمی کی۔ یوکرین کی بندرگاہوں پر قبضہ ایک ایسے وقت میں ملک کا معاشی طور پر گلا گھونٹ دے گا جب یوکرین کو روس کو روکنے کے لیے سب سے زیادہ فنڈز کی ضرورت ہے۔
کئی مہینوں کی اس جنگ میں روس جزوی طور پر کامیاب رہا ہے۔ یوکرین کی پانچ اہم تجارتی بندرگاہوں میں سے دو پر قبضہ کر لیا گیا ہے – برڈیانسک اور، ایک وحشیانہ محاصرے کے بعد، ماریوپول کی بندرگاہ کا جو کچھ باقی بچا ہے۔ یہ دونوں بحیرہ اسود کے شمال مشرق میں ہیں۔
تجارتی جہاز رانی جو بحیرہ اسود سے گزرتی ہے ،اس کی فوری رسائی بحیرہ روم سے متصل ممالک اور نہر سویز اور اس سے باہر کی منڈیوں تک ہے۔
یوکرین دنیا کی گندم کا 9 فیصد، اس کی مکئی کا 15 فیصد اور سورج مکھی کے تیل کی عالمی برآمدات کا 44 فیصد پیدا کرتا ہے۔ بنگلہ دیش، مصر، انڈونیشیا اور پاکستان کی گندم کا ایک چوتھائی حصہ یوکرین سے آتا ہے۔
ملک کی مرکزی بندرگاہ، اوڈیسا اور میکولائیو اب بھی یوکرین کے ہاتھ میں ہے، ان دونوں کے درمیان یوکرین کی جنگ سے پہلے کی اناج کی برآمدات کا 80 فیصد حصہ تھا۔روس کی ان اہم تجارتی مراکز اور اس کے ارد گرد کے علاقوں کو لینے کی کوششیں ناکام ہو گئی ہیں اور اس کی پیش قدمی رک گئی ہے۔روسی یونٹوں کو اب بڑھتے ہوئے مزاحمت کا سامنا کرنا پڑرہا ہے کیونکہ یوکرائنی یونٹوں نے کھیرسن اور میکولائیو میں اور اس کے آس پاس روسی افواج پر شدید جوابی حملہ کیا ہے،اور وہ اس اہم جنوبی ساحلی سیکٹر کا کنٹرول برقرار رکھنے کے لیے پوری جدوجہد کر رہے ہیں۔
لیکن روس نے اس بات کو یقینی بنانے کے لیے ناکہ بندی شروع کر دی ہے کہ کوئی اناج ملک سے باہر نہ جائے۔تجارتی جہازوں کو خبردار کر دیا گیا ہے، بندرگاہ کی طرف جانے والے پانیوں میں سمندری بارودی سرنگیں بچھائی گئی ہیں اور بحیرہ اسود کے پورے علاقے میں روسی جنگی جہاز اور لڑاکا طیارے مسلسل گشت کر رہے ہیں۔
اسنیک آئی لینڈ
اس ناکہ بندی کا اہم مرکز اسنیک آئی لینڈ ہے۔ یوکرین اور رومانیہ کے ساحل سے 48 کلومیٹر کے فاصلے پر یہ ایک چھوٹا جزیرہ ہے جسے روس نے جنگ کے ابتدائی دنوں میں اپنے قبضے میں لے لیا تھا۔ حکمت عملی کے لحاظ سے، یہ یوکرین کی آخری تین باقی ماندہ تجارتی بندرگاہوں تک پہنچنے والے پانی کو کنٹرول کرتا ہے اور روس اسے بھاری ہتھیاروں سے لیس کر رہا ہے۔
یوکرین کی بحریہ تقریباً نہ ہونے کے برابر ہے اور تنازع کے آغاز پر روسی جنگی جہاز کھلےعام پھر رہے تھے۔ لیکن یہ سب اس وقت بدل گیا جب 14 اپریل کو روسی بھاری میزائل کروزر ماسکوا کو غرق کردیا گیا ۔ طاقتور جنگی جہازکو روسی بحریہ کا فخرسمجھا جاتا تھا ، اسے اوڈیسا سے تقریباً 96 کلومیٹر کے فاصلے پر دو نیپچون اینٹی شپ کروز میزائلوں سے نشانہ بنایا گیا ۔ ماسکوا پر دو حملوں نے اتنا نقصان پہنچایا کہ یہ بالآخر ڈوب گیا، یہ روسی بحریہ کے لیے خطرے کی گھنٹی تھی، جس کے بعد روس نے یوکرین کے ساحل سے اپنے جنگی جہازوں کو واپس بلا لیا۔ اس کے بعد سے اسنیک آئی لینڈ بہت زیادہ اہمیت اختیار کر گیا ہے ۔
یوکرین کی فوج، جو کہ اسنیک آئی لینڈ کی سٹریٹجک پوزیشن سے پوری طرح باخبر ہے، اس نے حملوں کو جاری رکھا ہوا ہے جس سے وہاں روس کی فوجی موجودگی کم ہوئی ہے۔ حال ہی میں روسی فوجیوں کو سپلائی کرنے والا ایک ہیلی کاپٹر مار گرایا گیا ہے، کم از کم ایک ریڈار سائٹ کو نقصان پہنچا ہے اور ایک سپلائی بوٹ جو فوجیوں کو، خوراک اور ایک فضائی دفاعی نظام کو گیریژن تک پہنچا رہی تھی، کو ایک نئے فراہم کردہ ویسٹرن ہارپون میزائل نے نشانہ بنایا اور سے غرق کردیا گیا۔
تاہم ، روس کے پاس ابھی بھی اسنیک آئی لینڈ کا کنٹرول ہے اور اس کی پوزیشن اور بھاری دفاع یوکرین کے لیے ایک کانٹا ہے۔ دونوں فریقوں کے درمیان لڑائی اس وقت شدت اختیار کر گئی ہے جب یوکرین نے روسی افواج کو پیچھے ہٹانے کے لیے دوسرے اہداف پر حملہ کرتے ہوئے جزیرے کا کنٹرول واپس لینے کی کوشش کی ہے۔
بحری حکمت عملی میں تبدیلی
20 روسیوں کے مطابق، جون کو امریکی ساختہ راکٹ آرٹلری کے ذریعے، ایک روسی آف شور تیل پلیٹ فارم کو فضائی حملوں سے بری طرح نقصان پہنچا۔ کریمیا کے ساحل سے دور واقع، یہ پلیٹ فارم یوکرین کا تازہ ترین ہدف ہے جس پر غور کیا جا رہا ہے کیونکہ وہ روس کی افواج اور دفاع کو وسیع علاقے پر قبضے کو روکنے اور روس کے بڑے ذخائر کو ختم کرنے کے لیے اپنے حملوں کی تعداد میں اضافہ کرنا چاہتا ہے۔
روس کی جانب سے مزید جدید ہتھیار استعمال کیے گئے ہیں ۔ بندرگاہوں کے داخلی راستوں پر سمندری بارودی سرنگیں بچھائی گئی ہیں، خاص طور پر اوڈیسا میں ، یہ بارودی سرنگیں خود کار ہیں اور ان سے ٹکرانے والے جہاز کی قومیت سے قطع نظر یہ پھٹ جائیں گی۔
تیرتی بارودی سرنگوں کے خطرات میں سے ایک یہ ہے کہ وہ آخر کار بہہ کر دور نکل جائیں گی۔ بحیرہ اسود میں سمندری ٹریفک کے لیے وارننگ جاری کر دی گئی ہے اور جنوب میں باسفورس تک بارودی سرنگیں دیکھی گئی ہیں۔ترک فوج نے انہیں ناکارہ بنا دیا ہے اور دیگر ممالک کے ساتھ مل کر اس کا فوری حل تلاش کرنے پر زور دیا ہے۔ ترکی بحیرہ اسود کے زیادہ تر حصے پر قابض ہے، جسے وہ ملک کے لیے ایک اہم مفاد سمجھتا ہے۔ یہ بحیرہ روم سے بحیرہ اسود تک جانے والی واحد آبی گزرگاہ کو بھی کنٹرول کرتا ہے – اور اس کا محافظ ہے، جو ترکی کو خطے میں ایک اہم اسٹریٹجک کھلاڑی بناتا ہے۔
ترکی کا ایک فوجی وفد ماسکو کا دورہ کرنے والا ہے تاکہ یوکرین کی تجارتی بندرگاہوں پر تجارتی جہاز رانی کے محفوظ راستے پر بات چیت کی جا سکے، تاکہ اناج کی رکی ہوئی برآمدات کو شروع کیا جا سکے جو دنیا بھر کے ممالک میں خوراک کی پیداوار کے لیے ضروری ہیں۔
خوراک کا بڑھتا ہوا بحران
موسمیاتی تبدیلیوں اور جنگ سے فصلوں کی تباہی اور عالمی سپلائی چین میں سست روی بدتر ہو جانے کے خدشات ہیں – اگر ان اہم اجناس کی سنگین مقدار میں رسائی شروع نہیں ہوتی تو علاقائی استحکام کے لیے سنگین نتائج برآمد ہو سکتے ہیں۔دریں اثنا، روسی میزائلوں کا یوکرین کے اقتصادی ڈھانچے کو نشانہ بنانا جاری ہے اور میکولائیو میں اناج کے بڑے مراکز کو بری طرح نقصان پہنچا ہے، جس سے یوکرین کی ضرورت کی بڑی مقدار کی فراہمی کی صلاحیت میں مزید رکاوٹ ہوگئی ہے۔
یوکرین میں بحری جنگ، اس کی بندرگاہوں کی کان کنی اور صنعتی اہداف پر حملے روس کی یوکرین کا معاشی طور پر گلا گھونٹنے کی کوشش ہے، 2020 میں، یوکرین کی برآمدات 52.7 بلین ڈالر تھیں اور اسے اس رقم کی سخت ضرورت ہے کیونکہ اب طویل جنگ کا امکان زیادہ نظر آرہا ہے۔
مزید بین بین الاقوامی خبریں حاصل کرنے کیلئے اس لنک پر کلک کریں : بین الاقوامی خبریں
