Categories: انٹرٹینمنٹ

شاہ رخ خان کس کیساتھ کام کریں میں اس کافیصلہ نہیں کرسکتی:بھارتی اداکارہ تبو

اداکارہ نے کہا’’میں نہ تو پروڈیوسر ہوں، نہ ہدایتکار ہوں، نہ ہی سکرپٹ رائٹر ہوں

شاہ رخ خان کس کیساتھ کام کریں میں اس کافیصلہ نہیں کرسکتی:بھارتی اداکارہ تبو

نئی دہلی:شاہ رخ خان اور تبو بولی وڈ کے دو اہم ترین چہرے ہیں اگرچہ وہ مختلف فلموں میں مختصر کرداروں میں ایک ساتھ نظر آئے ہیں لیکن انہیں کبھی بھی مرکزی کردار میں ایک ساتھ کاسٹ نہیں کیا گیاحال ہی میں، تبو نے اس معاملے پر بات کی۔ اداکارہ نے کہا’’میں نہ تو پروڈیوسر ہوں، نہ ہدایتکار ہوں، نہ ہی سکرپٹ رائٹر ہوں، میں واقعی یہ فیصلہ نہیں کرتی کہ شاہ رخ خان کس کے ساتھ کام کریں گے۔ ٹھیک ہے؟ اور کون سی فلمیں بنائی جائیں گی اور کون سی فلمیں مجھے پیش کی جائیں گی۔

میں صرف ہاں یا نہ کہہ سکتی ہوں جو مجھے پیش کی جاتی ہیں۔تبو نے مزید کہا کچھ فلمیں تھیں، مجھے معلوم ہے کہ میں نے کس کو انکار کیا ہے اور مجھے یقین ہے کہ انہوں نے بھی کچھ کو انکار کیا ہوگا۔ ایسا کچھ نہیں ہوا کہ ہمارے راستے آپس میں ٹکرائے ہوں۔

لیکن میں اس بات کا احترام کرتی ہوں کہ بہت سے لوگ مجھے اور شاہ رخ کو ایک ساتھ دیکھنا چاہتے ہیں، میں اس بات کو نظرانداز نہیں کروں گی۔’’ساتھیا‘‘شاہ رخ خان اور تبو کو پہلی بار 2002 کی فلم "ساتھیا” میں ایک ساتھ دیکھا گیا۔

اس فلم میں رانی مکھرجی اور وویک اوبرائے مرکزی کردار میں تھے، جبکہ تبو اور شاہ رخ خان نے مختصر کردار ادا کئے تھے۔’’میں ہوں نا‘‘اس کے بعد، شاہ رخ خان کی فلم "میں ہوں نا” میں تبو کو ایک استاد کے طور پر دکھایا گیا، جو شاہ رخ خان کو ناچتے ہوئے دیکھ رہی تھیں۔ یہ فلم فرح خان کی ہدایت میں بنائی گئی تھی اور اس میں زید خان، سشمیتا سین اور امرتا راؤ نے بھی اہم کردار ادا کئے تھے۔

پھر، 2005 میں، تبو فلم میں نظر آئیں جس میں ان کے ساتھ کے کے مینن، بھومیکا چاولہ، سلینا جیٹلی اور جمی شیرگل بھی تھے۔ اسی فلم میں شاہ رخ خان کو بیان کرنے والے کے طور پر دیکھا گیا

آخر میں، تبو کو فلم’’اوم شانتی اوم‘‘ کے گانے ‘‘دیوانگی دیوانگی” میں شامل کیا گیا تھا۔ اس فلم میں شاہ رخ خان مرکزی کردار میں تھے اور دیپیکا پڈوکون کی بولی وڈ میں اینٹری ہوئی تھی۔

تبو کے علاوہ، اس گانے میں کئی دیگر ستارے جیسے رانی مکھرجی، ریکھا، جتیندر، پریانکا چوپڑا، شلپا شیٹی، دھرمندر وغیرہ بھی نظر آئے۔کچھ ہفتے پہلے، تبو نےدیوانگی دیوانگی” میں اپنی شرکت کے لیے شاہ رخ خان سے ملنے والے قیمتی تحائف کو یاد کیا۔ ایک انٹرویو میں انہوں نے بتایا، ’’ایک شاٹ ہم سب نے کیا تھا۔ میں نے یہ فرح (ہدایتکار فرح خان) کیلئے کیا اور ہاں، یہ بہت مزہ آیا۔

انہوں نے مجھے بہترین کپڑے، بہترین بال اور میک اپ بنوائے، اور ہمیں شاہ رخ خان سے بہت قیمتی تحائف ملے۔شاہ رخ خان کو آخری بار راجکمار ہیرانی کی فلم "ڈنکی” میں دیکھا گیا تھا۔

دوسری طرف، تبو کو اگلی بار "اوروں میں کہاں دم تھا” میں دیکھا جائے گا۔ اس پروجیکٹ میں اجے دیوگن، جمی شیرگل، شانتنو مہیشوری اور سائی منجریکر بھی شامل ہیں، جس کی ہدایتکاری نیراج پانڈے کر رہے ہیں۔

web

Recent Posts

بھارت کے پندرہ مقامات پر حملے کی خبر بے بنیاد ہے، ڈی جی آئی ایس پی آر

راولپنڈی: پاک فوج کے ترجمان لیفٹیننٹ جنرل احمد شریف چوہدری نے بھارت کے پندرہ مقامات پر مبینہ پاکستانی حملے کی…

6 گھنٹے ago

فیصل مسجد کے قریب ڈرون گرنے کی خبروں کی اصل حقیقت سامنے آگئی

اسلام آباد: وفاقی دارالحکومت میں فیصل مسجد کے قریب ڈرون گرنے کی افواہیں جھوٹی ثابت ہوئیں، ضلعی انتظامیہ اور پولیس…

6 گھنٹے ago

پاکستان کی جوابی کارروائی یقینی، بھارتی فوجی تنصیبات ہدف پر ہیں: وزیر دفاع خواجہ آصف

اسلام آباد: وزیر دفاع خواجہ آصف نے واضح کیا ہے کہ بھارتی ڈرون حملے کے بعد پاکستان کی جانب سے…

7 گھنٹے ago

پاکستان کا نیا جنگی ترانہ "تیار ہیں ہم، اللہ اکبر” ریلیز

لاہور: پاکستان میں حالیہ کشیدہ صورتحال کے تناظر میں ایک نیا ملی نغمہ "تیار ہیں ہم، اللہ اکبر" جاری کر…

8 گھنٹے ago

پنجاب بھر میں تعلیمی ادارے 2 روز کے لیے بند، نوٹیفکیشن جاری

لاہور: حکومت پنجاب نے صوبے بھر میں تمام سرکاری و نجی تعلیمی ادارے 9 اور 10 مئی کو بند رکھنے…

8 گھنٹے ago

بھارت کا ڈرون بھیجنے کا مقصد کیا ہے ؟ سابق مشیرقومی سلامتی کا تہلکہ خیز انکشاف

اسلام آباد: سابق مشیر قومی سلامتی لیفٹیننٹ جنرل (ر) ناصر جنجوعہ نے انکشاف کیا ہے کہ بھارت کی جانب سے…

9 گھنٹے ago