اسلام آباد: ایف-9 پارک کے قریب خواتین پر تشدد کے کیس میں خواتین اور ملزم جمال کے درمیان صلح ہو گئی، جس کے بعد عدالت نے ملزم کو ضمانت پر رہا کر دیا۔
پولیس کے مطابق ملزم محمد جمال کی 7 مارچ کو ضمانت ہوچکی ہے، اور متاثرہ خواتین نے مقدمہ واپس لینے کا فیصلہ کر لیا ہے۔ دونوں فریقین کے درمیان معاہدہ بھی منظرعام پر آ گیا ہے، جس میں خواتین نے تسلیم کیا کہ "جمال بے قصور ہے اور مقدمہ غلط فہمی کی بنیاد پر درج کیا گیا تھا۔ خواتین نے اپنے بیان میں کہا کہ انہوں نے جمال کے ساتھ راضی نامہ کر لیا ہے اور اگر عدالت ملزم کو بری کرتی ہے تو انہیں کوئی اعتراض نہیں ہوگا۔ مزید یہ کہ انہوں نے مقدمے کی مزید پیروی نہ کرنے کا بھی اعلان کیا۔ معاہدے پر تینوں خواتین کے دستخط موجود ہیں۔
یاد رہے کہ گزشتہ دنوں ایف-9 پارک میں ایک معروف فوڈ چین کے سامنے سڑک پر خواتین پر تشدد کی ویڈیو وائرل ہوئی تھی، جس میں ملزمان کو خواتین کو بالوں سے پکڑ کر گھسیٹتے اور زدوکوب کرتے دیکھا جا سکتا تھا۔ واقعے کے بعد متاثرہ خاتون کی مدعیت میں تھانہ مارگلہ میں مقدمہ درج کیا گیا تھا۔ ایف آئی آر کے مطابق، مرکزی ملزم جمال نے 23 فروری کی رات ساتھیوں کے ہمراہ خواتین کو زدوکوب کیا اور ان سے 10 تولہ سونا اور 20 لاکھ روپے نقدی چھین لی تھی۔
اسلام آباد پولیس کے ترجمان کے مطابق واقعے کی اطلاع پر بروقت کارروائی کی گئی، ملزم کو گرفتار کرکے تین روزہ جسمانی ریمانڈ حاصل کیا گیا، برآمدگی کے بعد ملزم کا چالان عدالت میں پیش کیا گیا اور پھر اسے جوڈیشل ریمانڈ پر جیل بھیج دیا گیا۔ تاہم، اب فریقین میں صلح ہونے کے بعد ملزم کی رہائی عمل میں آ چکی ہے۔
اسلام آباد — وزیراعلیٰ خیبرپختونخوا علی امین گنڈاپور نے پاکستان تحریک انصاف کے بانی کی پیرول پر رہائی کے لیے…
نئی دہلی — بھارتی حکومت اور میڈیا کی جانب سے پاکستان پر مبینہ حملے سے متعلق جھوٹے دعووں نے بھارتی…
نئی دہلی — پاکستان پر حملوں کے بعد پاک فوج کی مؤثر جوابی کارروائیوں نے بھارت کو دفاعی پوزیشن پر…
افواجِ پاکستان نے ایک نئی تاریخ رقم کر دی۔ بقلم کاشف شہزاد جنوبی ایشیا ایک بار پھر جنگ کے دہانے…
لاہور: پاکستان کرکٹ بورڈ (پی سی بی) نے پاکستان اور بھارت کے درمیان بڑھتی ہوئی کشیدگی کے پیش نظر پاکستان…
نئی دہلی: الجزیرہ کے مطابق پاکستان کے پاس لائن آف کنٹرول (ایل او سی) کے پار جوابی کارروائی کے کئی…