بیٹر کے زوردار شارٹ نے ایمپائر کے منہ کا حلیہ بگاڑ دیا

بیٹر کے زوردار شارٹ نےایمپائر کے منہ کا حلیہ ہی بگاڑ دیا جس کی تصاویر بھی سوشل میڈیا پر وائرل ہو گئیں۔آسٹریلوی امپائر ٹونی ڈینو بریگز کو ایک مقامی میچ کے دوران چہرے پر گیند لگ گئی جس سے ان کے چہرے کا حلیہ بگڑ گیا۔ایمپائر کو انتہائی نازک حالت میں ہسپتال منتقل کیا گیا۔گیند لگنے سے ایمپائر کے چہرے پر شدید چوٹیں آئیں ۔ڈاکٹرز کا کہنا ہے کہ آسٹریلوی امپائر کی کوئی ہڈی نہیں ٹوٹی۔سوشل میڈیا پر آسٹریلوی امپائر کے لیے نیک خواہشات کا اظہار کیا جا رہا ہے۔
یاد رہے کہ اس سے قبل بھی کھیل کے میدانوں میں ایسے کئی واقعات رونما ہو چکے ہیں۔2014 میں ایک آسٹریلوی امپائر سر میں گیند لگنے سے ہلاک ہو گئے تھے۔اسی طرح 2019 میں جون ولیمز ویلز نامی 80 سالہ ایمپائر گیند لگنے سے کئی ہفتوں تک کوما میں رہے اور پھر دنیا سے ہی چلے گئے تھے۔