دنیا کا سب سے بڑا چوہا، جس کا وزن 6 کلو تھا، مشرقی تمور میں دریافت
تقریباً 50 لاکھ سال پہلے جنوب مشرقی ایشیا کے مشرقی تمور علاقے میں دنیا کا سب سے بڑا چوہا پایا جاتا تھا۔ اس چوہے کا وزن تقریباً 13.2 پاؤنڈ (6 کلوگرام) تھا، جو کہ ایک عام گھریلو بلی کے وزن سے زیادہ تھا۔
یہ چوہے کے ہڈیوں کے باقیات مشرقی تمور میں ایک غار سے ملے، اور ان کے ساتھ 13 مزید چوہوں کی انواع کی باقیات بھی دریافت ہوئیں، جن میں سے 11 انواع سائنسدانوں کے لیے بالکل نئی تھیں۔ سائنسدانوں نے کاربن ڈیٹنگ کے ذریعے ان باقیات کی عمر تقریباً 44,000 سال کے قریب لگائی۔ مشرقی تمور میں چوہوں کی موجودگی کا آغاز 50 لاکھ سال پہلے ہوا تھا۔
سائنسدانوں کا خیال ہے کہ انسانوں کی زرعی سرگرمیوں نے ان چوہوں کی کئی نسلوں کو مٹایا۔ انسانوں نے نہ صرف ان چوہوں کو شکار کیا بلکہ کھایا بھی، اور اس بات کا ثبوت یہ ہے کہ بیشتر باقیات میں جلنے کے نشانات پائے گئے ہیں۔
کچھ سائنسدانوں کے مطابق، ممکن ہے کہ اس جزیرے پر آج بھی کچھ بڑی نسلوں کے چوہے زندہ ہوں۔ یہاں دنیا کے دوسرے حصوں میں پائے جانے والے کچھ بڑے چوہوں کی اقسام کا ذکر کیا گیا ہے:
Vangunu giant rat
یہ نایاب چوہا سولومن آئلینڈ کے وانگنو جزیرے پر پایا جاتا ہے، اور یہ معدومیت کے شدید خطرے سے دوچار ہے۔
Bushy-tailed wood rat
یہ چوہا امریکا کے مغربی شمالی علاقوں اور کینیڈا کے بعض حصوں میں پایا جاتا ہے۔
Gambian pouched rat
یہ افریقی چوہا لمبائی کے لحاظ سے دنیا کا سب سے بڑا چوہا ہے، جس کا جسم 43 سینٹی میٹر تک لمبا ہوتا ہے اور اس کی دم 45 سے 88 سینٹی میٹر تک پہنچتی ہے۔
Sumatran bamboo rat
اس چوہے کا جسم 50 سینٹی میٹر اور وزن 3.9 کلوگرام ہوتا ہے۔