علی امین گنڈاپور عدالت پیش، وارنٹ گرفتاری منسوخ
اسلام آباد :انسداد دہشت گردی عدالت نے وزیراعلیٰ کے پی کے علی امین گنڈا پور کی گرفتاری کے وارنٹ منسوخ کر دیے۔
وزیر اعلیٰ امین گنڈا پور نے اسلام آباد کے تھانہ آئی نائن میں جاری وارنٹ کی معطلی کی درخواست دائر کررکھی تھی ۔ وزیراعلیٰ نے ذاتی حیثیت میں عدالت پیش ہو کر بیان دیا کہ سرکاری مصروفیات کے باعث وقت پر عدالت میں حاضر نہیں ہوسکا۔
وزیراعلیٰ خیبرپختونخوا کی وارنٹ گرفتاری منسوخی کی استدعا پر عدالت نے گرفتاری کے وارنٹ منسوخ کرنے کی درخواست منظور کرلی۔
