پنجاب میں کچی رسیدوں پر پابندی، خلاف ورزی پر 10 لاکھ روپے تک جرمانہ
لاہور: پنجاب ریونیو اتھارٹی (PRA) نے کچی رسیدوں کے اجرا پر پابندی عائد کردی۔
پنجاب ریونیو اتھارٹی کی جانب سے جاری نوٹیفکیشن کے مطابق تمام ہوٹلز، ریسٹورنٹس، کافی شاپس اور میرج ہالز میں ای آئی ایم ایس کا نفاذ لازمی ہوگا۔
نوٹیفکیشن میں کہا گیا ہے کہ ای آئی ایم ایس کے تحت رسید جاری نہ کرنے والے کاروباری مراکز کو 4 لاکھ سے 10 لاکھ روپے تک جرمانہ عائد کیا جائے گا۔
ترجمان پنجاب ریونیو اتھارٹی کے مطابق قوانین کی مسلسل خلاف ورزی کرنے والے کاروباری مراکز کو ایک ماہ تک سیل بھی کیا جاسکتا ہے۔
