لاہور: گجر پورہ میں شوہر نے ناراض بیوی کو مبینہ طور پر فائرنگ کرکے قتل کردیا اور موقع سے فرار ہوگیا۔
پولیس کے مطابق ملزم عمران اپنی ناراض بیوی کو منانے کے لیے سسرال پہنچا تھا، جہاں اس نے خاتون سے گھر واپس آنے کی کوشش کی۔
پولیس کا کہنا ہے کہ خاتون بشریٰ کے انکار پر ملزم عمران نے مبینہ طور پر فائرنگ کردی، جس کے نتیجے میں وہ موقع پر ہی جاں بحق ہوگئی۔
واقعے کی اطلاع ملنے پر پولیس جائے وقوعہ پر پہنچی اور شواہد اکٹھے کیے۔ مقتولہ کی لاش پوسٹ مارٹم کے لیے اسپتال منتقل کردی گئی ہے۔
پولیس نے ملزم کے خلاف کارروائی شروع کرتے ہوئے اس کی گرفتاری کے لیے تلاش جاری کردی ہے۔
