پاکستان کے سابق کرکٹر اور قومی ٹیم کے موجودہ ہیڈ کوچ عاقب جاوید کی بیٹی عاقبہ عاقب برطانیہ میں رشتہ ازدواج میں منسلک ہوگئیں۔
عاقب جاوید اپنی اہلیہ اور دیگر اہل خانہ کے ہمراہ بیٹی کی شادی میں شرکت کے لیے برطانیہ میں موجود ہیں۔ شادی کی تقریب میں عاقبہ عاقب نے روایتی سرخ عروسی لباس کے بجائے سفید رنگ کا خوبصورت جوڑا زیب تن کیا۔
سوشل میڈیا پر شادی کی تقریب کی ایک ویڈیو بھی وائرل ہورہی ہے، جس میں عاقبہ عاقب کی دوستوں کو گلدستوں کے ہمراہ دیکھا جاسکتا ہے۔ ویڈیو میں عاقب جاوید اپنی بیٹی کا ہاتھ تھامے انہیں شادی کی تقریب کے مرکزی مقام تک لے جاتے ہوئے بھی دکھائی دیتے ہیں۔
ویڈیو وائرل ہونے کے بعد سوشل میڈیا صارفین کی جانب سے مختلف تبصروں کا سلسلہ جاری ہے، جبکہ صارفین عاقب جاوید کو بیٹی کی شادی پر مبارکباد بھی دے رہے ہیں۔
