خاتون افسر کو ہراساں کرنے پر جونیئر کلرک ملازمت سے برطرف، 10 لاکھ روپے جرمانہ
اسلام آباد: وفاقی محتسب برائے انسداد ہراسیت نے خاتون افسر کو دفتر میں ہراساں کرنے پر سرکاری ادارے کے جونیئر کلرک کو ملازمت سے برطرف کردیا۔
وفاقی محتسب برائے انسداد ہراسیت فوزیہ وقار نے کیس کا فیصلہ سناتے ہوئے کلرک پر 10 لاکھ روپے جرمانہ بھی عائد کیا۔
خاتون افسر کی جانب سے کلرک کے خلاف دفتر میں ہراساں کرنے کی شکایت درج کرائی گئی تھی، جس پر سماعت کے بعد وفاقی محتسب نے اسے ملازمت سے برخاست کرنے کا حکم دیا۔
کیس میں ایک اور شخص پر ہراسیت کی سہولت کاری کا الزام بھی عائد کیا گیا تھا، تاہم الزام ثابت نہ ہونے پر اس کے خلاف شکایت خارج کردی گئی۔
