کراچی: سوتیلی بیٹی سے مبینہ زیادتی کے الزام میں ملزم گرفتار
کراچی: سعید آباد انویسٹی گیشن پولیس نے کارروائی کرتے ہوئے سوتیلی بیٹی سے مبینہ زیادتی کے الزام میں ملزم کو گرفتار کرلیا۔
ایس پی انویسٹی گیشن کیماڑی مسرور احمد جتوئی کے مطابق گرفتار ملزم نے شوہر سے ناراض ہوکر گھر آنے والی اپنی سوتیلی بیٹی کو مبینہ طور پر زیادتی کا نشانہ بنایا۔
پولیس کے مطابق متاثرہ لڑکی کی شکایت پر سعید آباد تھانے میں مقدمہ درج کیا گیا تھا، جبکہ گرفتار ملزم کی شناخت منور کے نام سے ہوئی ہے۔
ایس پی انویسٹی گیشن کے مطابق ملزم کو عدالت میں پیش کرکے جسمانی ریمانڈ حاصل کیا جا رہا ہے تاکہ واقعے کی مزید تفتیش مکمل کی جاسکے۔
