وزارت خزانہ کے ایک اعلیٰ عہدیدار نے دی نیوز کو بتایا کہ جون 2025 سے جون 2026 کے دوران سرکاری قرضوں میں تقریباً 62 کھرب روپے جبکہ حکومتی ضمانتوں کے حامل قرضوں میں تقریباً 0.1 کھرب روپے کا اضافہ ریکارڈ کیا گیا۔
رپورٹ کے مطابق قرضوں میں اضافے کے بعد مجموعی حجم 847.7 کھرب روپے سے بڑھ کر 909.8 کھرب روپے ہوگیا، جو ایک سال کے دوران 7.3 فیصد اضافہ ظاہر کرتا ہے۔
تاہم مجموعی قرضوں میں اضافے کے باوجود جی ڈی پی کے مقابلے میں قرضوں کا تناسب کم ہوا ہے۔ جون 2025 میں یہ شرح 74.3 فیصد تھی، جو جون 2026 کے اختتام تک کم ہوکر 71.7 فیصد رہ گئی۔
