فی تولہ سونا 4200 روپے سستا ہوگیا

انٹرنیشنل مارکیٹ میں فی اونس سونے کی قیمت میں 20ڈالر کی کمی  ہوگئی ہے۔ 20 ڈالر کی کمی کے بعد فی اونس سونے کی قیمت  2057 ڈالر کی سطح پر پہنچ گئی ہے۔ عالمی منڈی میں سونے کی قیمت گرنے کی وجہ سے پاکستان کی مقامی صرافہ مارکیٹوں میں بھی 24 قیراط ایک تولہ سونے کی قیمت 4200روپے کی کمی سے 219400روپے اور دس گرام سونے کی قیمت بھی 3601روپے کی کمی سے 188100روپے کی سطح پر آگئی ہے۔ اسی طرح فی تولہ چاندی کی قیمت 20روپے کی کمی سے 2600 روپے اور دس گرام چاندی کی قیمت بھی 17.14روپے کی کمی سے 2229.08روپے ہوگئی ہے۔

دوسری جانب انٹر بینک مارکیٹ کے بعد اوپن مارکیٹ میں بھی ڈالر کی قیمت میں کمی آئی ہے جبکہ سٹاک مارکیٹ میں بھی تیزی کا رجحان جاری ہے جس پر کاروباری افراد اطمینان کا اظہار کرتے دکھائی دے رہے ہیں۔  اوپن مارکیٹ میں ڈالر 25 پیسے کم ہو کر 285 روپے پر فروخت ہو رہاہے جبکہ دوسری جانب انٹر بینک مارکیٹ میں ڈالر کی قیمت میں 38 پیسے کمی ہوئی جس کے بعد ڈالر 284 روپے پر ٹریڈ کر رہاہے۔

ہنڈرڈ انڈیکس 62 ہزار 956 پوائنٹس پر تھا جس میں اب  تک 628 پوائنٹس کا اضافہ ہو چکا ہے اور انڈیکس 63 ہزار 584 پوائنٹس پر پہنچ گیاہے ۔