پاکستان مسلم لیگ ن کے رہنما اسلام آباد میں قاتلانہ حملے میں جاں بحق ہو گئے ہیں۔ تفصیلات کے مطابق اسلام آباد کے تھانہ شہزاد ٹاون کی حدود میں ن لیگ کے سابق یو سی چئیرمین ابرار شاہ کی گاڑی پر حملہ ہوا۔ حملہ آوروں نے ابرار شاہ کی گاڑی بھی فائرنگ کی۔ فائرنگ کے نتیجے میں ن لیگی رہنما اپنے 3 ساتھیوں سمیت جاں بحق ہو گئے۔
وفاقی دارالحکومت اسلام آباد کے علاقے جھنگی سیداں میں قتل کی لرزہ خیز واردات میں ن لیگ کے رہنما بیٹے سمیت قتل کر دیے گئے۔ میڈیا رپورٹس کے مطابق تھانہ شہزاد ٹاون کی حدود میں مسلم لیگ ن کے رہنما اور سابق یو سی چئیرمین ابرار شاہ کی گاڑیوں پر نامعلوم افراد نے حملہ کیا۔ حملے کے دوران ابرار شاہ کی گاڑی پر گولیاں چلا دی گئیں۔ نامعلوم حملہ آوروں کی شدید فائرنگ کے نتیجے میں گاڑی میں سوار ن لیگ کے سابق چئیرمین یو سی جھنگی سیداں ابرار شاہ اپنے بیٹے سمیت جاں بحق ہو گئے۔
پولیس ذرائع کا کہنا ہے کہ اس حملے میں مجموعی طور پر 4 افراد جان سے گئے ہیں۔ پولیس نے جائے وقوعہ کو مکمل طور پر سیل کر کے تحقیقات کا آغاز کر دیا ہے۔ پولیس کے ابتدائی بیان کے مطابق قتل کی واردات ذاتی دشمنی کا شاخسانہ معلوم ہو رہی ہے البتہ مزید تفصیلات تحقیقات کے بعد سامنے آئی گی۔