علیزے شاہ نے سوشل میڈیا سے کنارہ کشی اختیار کر لی

اداکارہ نے نہ صرف اپنی تمام پوسٹس حذف کر دی ہیں بلکہ اپنی پروفائل پکچر بھی سیاہ کر دی ہے

علیزے شاہ نے سوشل میڈیا سے کنارہ کشی اختیار کر لی

پاکستانی اداکارہ علیزے شاہ، جو اکثر اپنے متنازعہ رویے اور بولڈ لباس کی وجہ سے خبروں میں رہتی ہیں، نے اچانک سوشل میڈیا سے خود کو دور کر لیا ہے۔ انسٹاگرام پر ان کا اکاؤنٹ، جو پہلے بولڈ اور متنازعہ تصاویر سے بھرا ہوا تھا، اب مکمل طور پر خالی ہو چکا ہے۔

اداکارہ نے نہ صرف اپنی تمام پوسٹس حذف کر دی ہیں بلکہ اپنی پروفائل پکچر بھی سیاہ کر دی ہے، جس سے ان کے 4.3 ملین فالوورز کو شدید حیرت ہوئی ہے۔علیزے شاہ کا نام ہمیشہ سے تنازعات میں گھیرا رہا ہے۔ کبھی وہ کسی ہدایتکار سے شوٹنگ کے دوران جھگڑا کرتی ہیں، تو کبھی کسی اداکار کے ساتھ ہاتھا پائی کے معاملے میں ملوث ہوتی ہیں۔ ان کے بولڈ لباس کی وجہ سے بھی وہ عوام کی شدید تنقید کا نشانہ بنتی رہی ہیں۔

گزشتہ چند دنوں سے علیزے شاہ خبروں میں کچھ زیادہ نظر نہیں آئیں، اور اب ان کے انسٹاگرام سے غائب ہونے پر مختلف قیاس آرائیاں کی جا رہی ہیں۔ بعض مداحوں کا کہنا ہے کہ یہ ان کا نیا پروجیکٹ کی تشہیر کا طریقہ ہو سکتا ہے، جبکہ دیگر کا خیال ہے کہ وہ شوبز کی دنیا سے دوری اختیار کرنے کا فیصلہ کر چکی ہیں۔ان کے انسٹاگرام اکاؤنٹ پر اب کسی بھی پوسٹ کی موجودگی نہیں ہے، اور وہ کسی کو بھی فالو نہیں کر رہیں۔

سکرین شوٹ انسٹاگرام

ان کا یہ اچانک اقدام مداحوں اور سوشل میڈیا صارفین کے لیے سوالات چھوڑ گیا ہے۔علیزے شاہ کے اس عمل سے یہ بحث چھڑ گئی ہے کہ کیا یہ واقعی ایک نئے پروجیکٹ کا حصہ ہے یا وہ واقعی شوبز کی دنیا سے کنارہ کشی اختیار کر رہی ہیں۔ ابھی تک علیزے شاہ کی طرف سے کوئی باضابطہ بیان سامنے نہیں آیا ہے، جس سے ان کی مستقبل کی منصوبہ بندی کے بارے میں جاننے کا اشتیاق مزید بڑھ گیا ہے۔

web

Recent Posts

وفاقی کابینہ نے تحریک لبیک پاکستان (ٹی ایل پی) کو کالعدم قرار دے دیا

اسلام آباد: وفاقی کابینہ نے متفقہ طور پر مذہبی جماعت تحریک لبیک پاکستان (ٹی ایل پی) کو انسدادِ دہشتگردی ایکٹ…

5 مہینے ago

اسلام آباد پولیس کے ایس پی انڈسٹریل ایریا عدیل اکبر مبینہ طور پر خودکشی کے باعث جاں بحق

اسلام آباد پولیس کے سینئر افسر ایس پی انڈسٹریل ایریا عدیل اکبر کی مبینہ خودکشی کی خبر نے دارالحکومت کی…

5 مہینے ago

فرانس نے لوور میوزیم میں قیمتی شاہی زیورات چرانے والوں کی تلاش تیز کر دی

فرانسیسی پولیس نے منگل کے روز اُن چوروں کی تلاش تیز کر دی جنہوں نے لوور میوزیم سے قیمتی شاہی…

5 مہینے ago

طالبان حکومت کو تسلیم کرنے کی خبریں بے بنیاد، افغان سرزمین پر دہشت گردوں کی موجودگی پاکستان کے لیے مستقل خطرہ، دفتر خارجہ

اسلام آباد (ایم وائے کے نیوز ٹی وی) ترجمان دفتر خارجہ شفقت علی خان نے ہفتہ وار پریس بریفنگ کے…

8 مہینے ago

پاکستان میں پہلی مسابقتی انرجی مارکیٹ پالیسی 2 ماہ میں نافذ ہوگی، اویس لغاری

وفاقی وزیر توانائی اویس لغاری نے ایک بڑے انکشاف میں بتایا ہے کہ پاکستان آئندہ دو ماہ میں توانائی کے…

8 مہینے ago