‘استری 2’ میں ورون دھون نے کیسے کیا راج کمار راؤ سے انتقام؟ جانیے تفصیلات
بالی وڈ بالی وڈ کی ہارر کامیڈی فلم ‘استری 2’ میں اداکار ورون دھون اور شردھا کپور کے ساتھ راج کمار راؤ کی کیمسٹری اور کہانی نے فلم کے پرستاروں کو حیران کر دیا ہے۔ حال ہی میں فلم کی تشہیری مہم کے دوران ایک دلچسپ واقعہ سامنے آیا جس نے فلم کے شائقین کی توجہ اپنی طرف مبذول کر لی۔
اداکار راج کمار راؤ نے ایک انٹرویو کے دوران انکشاف کیا کہ ‘استری 2’ کے رومانوی گانے ‘خوبصورت’ میں شردھا کپور کے ساتھ ورون دھون کا رومانس دیکھ کر وہ جیلس ہو گئے تھے۔ راج کمار راؤ نے مزید کہا کہ ورون نے اس گانے کے ذریعے ان سے بدلہ لیا ہے، جو کہ بہت دلچسپ کہانی ہے۔
راج کمار راؤ نے بتایا کہ یہ بدلہ کوئی اور نہیں بلکہ خود راج کمار سے تھا۔ چھ سال پہلے، راج کمار راؤ نے ورون کی فلم ‘مسز بھیڑیا’ کی ہیروئن کریتی سینن کے ساتھ ‘آؤ کبھی حویلی پہ’ گانے میں ڈانس کیا تھا۔ اور اب ورون نے اس کا بدلہ ‘استری 2’ کے گانے ‘خوبصورت’ میں شردھا کپور کے ساتھ رومانس کرکے لیا ہے۔
شردھا کپور نے ہنستے ہوئے اس گفتگو کو جاری رکھا اور کہا کہ اگر یہی بات ہے تو ہم کہہ سکتے ہیں کہ ‘استری’ اب انتقام کی کہانی بن گئی ہے۔
‘استری 2’، جو 15 اگست کو سینیما گھروں میں ریلیز ہونے والی ہے، بالی وڈ کی موسٹ اویٹڈ فلمز میں شامل ہے۔ اس فلم میں شردھا کپور، راج کمار راؤ، پنکج ترپاٹھی، اپارشکتی کھرانہ اور ابھیشیک بنرجی اہم کرداروں میں نظر آئیں گے۔ فلم کی ہدایت کاری امر کوشک نے کی ہے۔
فلم کی تشہیری مہم کے دوران ‘استری 2’ کے گانے ‘آج کی رات’ اور ‘آئی نہیں’ کی شاندار کامیابی کے بعد، ‘خوبصورت’ گانے نے بھی لوگوں کی توجہ حاصل کر لی ہے۔ شائقین اس بات کا بے صبری سے انتظار کر رہے ہیں کہ فلم کے مکمل پلاٹ میں یہ گانے کیسے فٹ ہوتے ہیں اور ورون دھون کا کردار کہانی میں کیا موڑ لاتا ہے۔
