شاہ رخ خان کو کس چیز سے سب سے زیادہ ڈر لگتا ہے؟ جان کر آپ بھی ہنس پڑیں گے!

شاہ رخ خان کو کس چیز سے سب سے زیادہ ڈر لگتا ہے؟ جان کر آپ بھی ہنس پڑیں گے!

کنگ خان نے جب اس راز کا اعتراف کیا تو سب کی ہنسی چھوٹ گئی۔

ممبئی: بالی ووڈ کے معروف اداکار جسے رومانس کا بادشاہ تسلیم کیا جاتا ہے، شاہ رخ خان، نے اپنی سب سے بڑی خوف کی بات کی ہے۔

بھارت کے ایک کامیڈی شو کا ایک کلپ ان دنوں وائرل ہو رہا ہے جس میں شاہ رخ خان اور عالیہ بھٹ مہمان کے طور پر موجود تھے۔

اس پروگرام کے میزبان کپل شرما نے شاہ رخ خان سے سوال کیا کہ آپ کو کس چیز سے سب سے زیادہ خوف آتا ہے۔

اس پر کنگ خان نے بتایا کہ انہیں جس چیز سے خوف آتا ہے، لوگ اسے سن کر ہنس پڑیں گے، مگر حقیقت یہ ہے کہ انہیں اس سے واقعی ڈر لگتا ہے۔

شاہ رخ خان نے کہا کہ انہیں سب سے زیادہ ڈر جھولے سے لگتا ہے۔ انہوں نے مزید بتایا کہ جب بھی وہ جھولے پر ہوتے ہیں، وہ اپنے ساتھ بیٹھے شخص کا بازو زور سے پکڑ لیتے ہیں۔

اپنی بات کو جاری رکھتے ہوئے، شاہ رخ خان نے بتایا کہ فلم "دیوداس” کے ایک گانے کی عکس بندی کے دوران جب وہ جھولے میں بیٹھے تھے، انہوں نے ایشوریہ کے بازو کو اس قدر زور سے پکڑا کہ انہیں کھرونچ لگی۔

پروگرام میں شریک عالیہ بھٹ نے یہ بھی بتایا کہ انہیں اندھیرے سے بہت زیادہ خوف محسوس ہوتا ہے اور وہ فوراً ایسی جگہ سے نکل جاتی ہیں جہاں تاریکی ہو۔