وزیراعظم کے مشیر رانا ثنا اللہ کے ناقابل ضمانت وارنٹ گرفتاری جاری

گوجرانوالہ: وزیراعظم کے مشیر رانا ثنا اللہ کے ناقابل ضمانت وارنٹ گرفتاری جاری

گوجرانوالہ کی عدالت نے وزیراعظم کے مشیر برائے سیاسی امور رانا ثنا اللہ کے ناقابل ضمانت وارنٹ گرفتاری جاری کر دیے ہیں۔ جوڈیشل مجسٹریٹ سدرہ گل نواز نے حکم دیا کہ رانا ثنا اللہ کو گرفتار کر کے 12 دسمبر کو عدالت میں پیش کیا جائے۔

رانا ثنا اللہ کے خلاف تھانہ سیٹلائٹ ٹاؤن میں درج مقدمہ زیر سماعت ہے۔ یہ مقدمہ 16 اکتوبر 2020 کو پی ڈی ایم کے گوجرانوالہ جلسے کے دوران درج ہوا، جس میں ان پر کنٹینر ہٹانے اور پولیس اہلکاروں پر گاڑی چڑھانے کا الزام لگایا گیا تھا۔

اس مقدمے میں خرم دستگیر، عمران خالد، اور سلمان خالد بٹ پہلے ہی بری ہو چکے ہیں۔ پولیس نے ابتدائی طور پر رانا ثنا اللہ کو بے گناہ قرار دیا اور رپورٹ عدالت میں پیش کی، لیکن عدالت نے اس رپورٹ کو مسترد کرتے ہوئے انہیں طلب کیا تھا۔

بار بار طلبی کے باوجود پیش نہ ہونے پر عدالت نے وارنٹ گرفتاری جاری کرتے ہوئے فوری کارروائی کا حکم دیا۔