پاکستان نے پی ٹی آئی پر پابندی سے متعلق امریکی تحفظات کو مداخلت قرار دے دیا

پاکستان نے پی ٹی آئی پر پابندی سے متعلق امریکی تحفظات کو مداخلت قرار دے دیا

پاکستان نے پاکستان تحریک انصاف (پی ٹی آئی) پر پابندی کے حوالے سے امریکی تحفظات کو ناقابل قبول اور مداخلت قرار دے دیا ہے۔ دفتر خارجہ کی ترجمان ممتاز زہرہ بلوچ نے اسلام آباد میں ہفتہ وار پریس بریفنگ کے دوران کہا کہ امریکی تحفظات پاکستان کے اندرونی معاملات میں مداخلت کے مترادف ہیں۔

ترجمان نے وضاحت کی کہ پاکستان میں عدلیہ حالیہ فیصلوں کے ذریعے اپنے کام کو مؤثر طریقے سے انجام دے رہی ہے، اور امریکی اعتراضات کو پاکستان کے عدالتی نظام میں دخل اندازی کے طور پر دیکھا جا رہا ہے۔

یہ بیان اس وقت سامنے آیا ہے جب امریکی اسٹیٹ ڈپارٹمنٹ نے پی ٹی آئی پر پابندی لگانے کے حکومتی فیصلے پر ردعمل ظاہر کرتے ہوئے کہا تھا کہ یہ ایک پیچیدہ سیاسی عمل کا آغاز ہے۔

پریس بریفنگ کے دوران ممتاز زہرہ بلوچ نے افغان حکومت سے مطالبہ کیا کہ وہ اپنی سرزمین کو دہشت گردی کے واقعات میں ملوث عناصر کے خلاف کارروائی کے لیے استعمال کرے۔ انہوں نے کہا کہ حافظ گل بہادر گروپ افغانستان میں پناہ لیے ہوئے ہے اور پاکستان میں دہشت گردی کی سرگرمیوں میں ملوث ہے۔

ترجمان دفتر خارجہ نے مزید کہا کہ پاکستان نے بنوں حملے پر افغانستان کے ساتھ شدید تحفظات کا اظہار کیا ہے اور افغانستان سے ان دہشت گرد تنظیموں کے خلاف سخت اور مؤثر کارروائی کرنے کا مطالبہ کیا ہے۔