اسرائیلی لابی عمران خان کو دوبارہ اقتدار میں لانا چاہتی ہے:احسن اقبال

اسرائیلی لابی عمران خان کو دوبارہ اقتدار میں لانا چاہتی ہے:احسن اقبال

نارروال:وفاقی وزیر منصوبہ بندی و ترقی احسن اقبال نے کہا ہے کہ ایک منظم مہم کے تحت عمران خان کو دوبارہ اقتدار میں لانے کی کوششیں جاری ہیں۔ انہوں نے یہ دعویٰ کیا کہ حالیہ دنوں میں اسرائیلی اخبار یروشلم پوسٹ میں شائع ہونے والے ایک مضمون میں عمران خان کو پاکستان کے لیے واحد قابل قبول شخصیت کے طور پر پیش کیا گیا ہے۔ احسن اقبال کے مطابق، یہ مہم عوام کو گمراہ کرنے کے لیے سوشل میڈیا پر پھیلائی جا رہی ہے اور پاکستان کو ایٹمی قوت بننے کے بعد صہیونی لابی کی نظر میں نشانہ بنایا جا رہا ہے۔ ان کا کہنا تھا کہ ملک کو معاشی، سیاسی اور سماجی طور پر کمزور کرنے کی سازش ہو رہی ہے۔

انہوں نے مزید کہا کہ عمران خان نے لندن کے میئر کے انتخابات میں پاکستانی نژاد امیدوار صادق خان کی مخالفت کی اور زیک گولڈ اسمتھ کی حمایت کی، جس سے واضح ہوتا ہے کہ عمران خان کے پیچھے کون سی طاقتیں کام کر رہی ہیں۔ احسن اقبال کا یہ بھی کہنا تھا کہ صہیونی لابی ہمیشہ پاکستان کی ایٹمی صلاحیت کو نشانہ بناتی آئی ہے اور عمران خان کے دھرنوں اور جلسوں کا مقصد سی پیک کو ناکام بنانا ہے۔

ظفروال میں میڈیا سے گفتگو کرتے ہوئے احسن اقبال نے کہا کہ عمران خان کو عالمی سطح پر دوبارہ مسلط کرنے کے لیے ایک منظم مہم چل رہی ہے، جس کا مرکز اسرائیلی لابی ہے۔ انہوں نے کہا کہ یروشلم پوسٹ کے مضمون میں واضح طور پر لکھا گیا ہے کہ عمران خان کو دوبارہ اقتدار میں لانا صہیونی لابی کے ایجنڈے کے لیے ضروری ہے۔

احسن اقبال نے مزید کہا کہ عمران خان کی سیاست نفرت پر مبنی ہے اور وہ اداروں کے خلاف پراپیگنڈہ کرکے ملک کو کمزور کر رہے ہیں۔ انہوں نے عمران خان کی سیاست کو تنقید کا نشانہ بناتے ہوئے کہا کہ وہ مسلسل اداروں کی حرمت کو پامال کرنے کی کوشش کر رہے ہیں، جو کسی بھی ریاست کی بنیاد ہوتی ہے۔ انہوں نے عمران خان پر امریکہ کی مخالفت کے باوجود بھارت اور اسرائیل کی حمایت میں مہم چلانے کا الزام بھی لگایا۔

احسن اقبال نے کہا کہ عمران خان کی سیاست پاکستان کی معیشت کو تباہ کرنے کی کوشش ہے اور انہوں نے آئی ایم ایف کو بھی پاکستان کے خلاف ای میلز لکھ کر معاہدے نہ کرنے کی درخواست کی۔ انہوں نے کہا کہ فوج اور دیگر ریاستی اداروں کے خلاف عمران خان کی ہرزہ سرائی دراصل ایک بیرونی ایجنڈے کا حصہ ہے۔

آخر میں احسن اقبال نے کہا کہ پاکستان کی فوجی اور سیاسی قیادت ملک کے مستقبل کے ساتھ کسی کو کھیلنے کی اجازت نہیں دے گی اور عمران خان کو صاف الفاظ میں پیغام دیا کہ اب بہت ہو چکا ہے۔