عمران خان اور بیرسٹر گوہر کی اڈیالہ جیل میں ملاقات کی اندرونی کہانی سامنے آگئی

چئیرمین پی ٹی آئی بیرسٹر گوہر اور بانی پی ٹی آئی عمران خان کی آج اڈیالہ جیل میں ہونے والی ملاقات کی اندرونی کہانی سامنے آگئی۔آج اڈیالہ جیل میں عمران خان سے بیرسٹر گوہر کی ملاقات ڈیڑھ گھنٹہ جاری رہی جس میں مشیر صوبائی وزیر اعلی بیرسٹر سیف علی خان بھی موجود تھے۔میڈیا رپورٹس کے مطابق بیرسٹر گوہر نے عمران خان سے حکومت سے مذاکرات کی اجازت لی۔بیرسٹر گوہر اس حوالے سے مذاکرات کے لیے کمیٹی تشکیل دیں گے۔کمیٹی پارٹی کے دیگر اراکین سے دھرنے کے مقام کے تعین پر رائے لے گی۔میڈیا ذرائع کے مطابق حکومت کی جانب سے ڈی چوک کی بجائے کسی اور جگہ دھرنے کی آفر کی گئی۔حکومت نے پی ٹی آئی سے دوسری جگہ کے انتخاب پر سہولت دینے کا بھی وعدہ کیا۔حکومت کی پیشکش پر پی ٹی آئی لیڈرشپ کی مشاورت جاری ہے۔ڈی چوک سے پیچھے ہٹنے پر مطالبات منظوری پر پڑنے والے اثرات پر بھی بات کی جائے گی۔
دوسری جانب پی ٹی آئی کے قافلے اسلام آباد کی جانب رواں دواں ہیں۔پی ٹی آئی قیادت کا موقف ہے کہ مطالبات پورے ہونے تک واپسی کا ارادہ نہیں۔پی ٹی آئی نے عمران خان سمیت دیگر پارٹی کے قیدیوں کی رہائی کا مطالبہ کر رکھا ہے۔