اسلام آباد آنے والے قافلے سوشل میڈیا استعمال کرنے سے گریز کریں

پاکستان تحریک انصاف کے مظاہرین ڈی چوک پر پہنچ چکے ہیں۔کئی پی ٹی آئی رہنما اپنے قافلوں کے ساتھ ابھی بھی راستے پر ہیں۔پاکستان تحریک انصاف کے رہنما حماد اظہر کا سماجی رابطے کی ویب سائٹ ٹویٹر پر ٹویٹ کرتے ہوئے کہنا ہے کہ پنجاب بھر سے اکثر کارکنان اور ٹکٹ ہولڈر آج اپنے شہروں سے نکلنے میں کامیاب ہو چکے ہیں اور اسلام آباد کے راستے میں ہیں۔ جو اب تک نہیں نکلے وہ اکیلی اکیلی گاڑی کو ناکوں سے گزاریں یا متبادل کچے راستے اپنائیں۔حماد اظہر نے مشورہ دیا کہ سفر کے دوران سوشل میڈیا سے پرہیز کریں اور اسلام باد پہنچ کر ہی اعلان کریں۔
دوسری جانب صوبہ بھر میں امن وامان کی صورتحال برقرار رکھنے کے لیے پابندیاں مزید سخت کی جا سکتی ہیں۔ملک بھر میں احتجاجی تحریک کے دم توڑنے کے لیے مختلف سخت اقدامات کیے جانے کا امکان ہے۔میڈیا ذرائع کے مطابق موبائل انٹرنیٹ سروس کو مزید کنٹرول کرنے پر غور جاری ہے،موبائل ڈیٹا کے بعد وائی فائی کو بھی کنٹرول کرنے کا امکان ہے۔بتایا جا رہا ہے کہ امن و امان کی صورتحال کو برقرار رکھنے کے لیے موبائل انٹرنیٹ سروسز مزید کنٹرول رکھی جائیں گی۔مخصوص مقامات پر انٹرنیٹ مکمل طور پر بھی بند کیا جا سکتا ہے۔