بیرسٹر گوہر نے کارکنان کے ڈی چوک پہنچتے ہی عمران خان کی جلد رہاِئی سے متعلق خوشخبری سنا دی

پاکستان تحریک انصاف کے چئیرمین بیرسٹر گوہر نے جلد بانی پی ٹی آئی عمران خان کی رہائی کی امید ظاہر کر دی۔تفصیلات کے مطابق بیرسٹر گوہر نے کارکنان کے ڈی چوک پہنچتے ہی عمران خان کی جلد رہاِئی سے متعلق خوشخبری سنا دی۔انہوں نے سماجی رابطے کی ویب سائٹ ٹویئٹر پر ٹوئٹ کرتے ہوئے کہا کہ میں نے حکومت سے مطالبہ کیا کہ وہ بے گناہ لوگوں پر مقدمہ درج کرنے سے باز رہیں۔ میں پی ٹی آئی کے تمام کارکنوں اور سپورٹرز سے اپیل کرتا ہوں کہ وہ اپنی جدوجہد میں پرامن رہیں۔بیرسٹر گوہر نے مزید کہا کہ میں آپ سب کو بتانا چاہتا ہوں کہ ہم خان صاحب کی جلد رہائی کے لیے بہت پر امید ہیں، انشاء اللہ۔
یاد رہے کہ پاکستان تحریک انصاف کے مظاہرین ڈی چوک پر پہنچ چکے ہیں۔کئی پی ٹی آئی رہنما اپنے قافلوں کے ساتھ ابھی بھی راستے پر ہیں۔پی ٹی آئی کارکنان اور پولیس فورسز کے درمیان جھڑپیں بحی ہوئیں جس کے نتیجے میں کارکنان اور پولیس اہلکار زخمی بحی ہوئے۔ صوبہ بھر میں امن وامان کی صورتحال برقرار رکھنے کے لیے پابندیاں مزید سخت کی جا سکتی ہیں۔ملک بھر میں احتجاجی تحریک کے دم توڑنے کے لیے مختلف سخت اقدامات کیے جانے کا امکان ہے۔