راولپنڈی (ایم وائے کے نیوز) — معرکۂ حق اور آپریشن "بنیان مرصوص” کی کامیابی کے بعد چیف آف آرمی اسٹاف جنرل سید عاصم منیر کا پہلا ردعمل سامنے آ گیا۔ انہوں نے راولپنڈی کے سی ایم ایچ اسپتال کا دورہ کیا اور دورانِ آپریشن زخمی ہونے والے جوانوں اور شہریوں کی عیادت کی۔
آئی ایس پی آر کے مطابق آرمی چیف نے زخمیوں کی فرداً فرداً خیریت دریافت کی اور ان کی بہادری، عزم اور فرض شناسی کو خراجِ تحسین پیش کیا۔ جنرل عاصم منیر نے افواجِ پاکستان کی جانب سے زخمیوں کی مکمل دیکھ بھال، بحالی اور فلاح و بہبود کے عزم کا اعادہ کیا۔
انہوں نے کہا کہ ہمارے سپاہی اور شہری قوم کی سلامتی کے لیے جو قربانیاں دے رہے ہیں، وہ پاکستان کے مضبوط مستقبل کی بنیاد ہیں۔ "پوری قوم اپنی افواج کے شانہ بشانہ کھڑی ہے اور کوئی دشمنانہ سازش ہمارے عزم کو متزلزل نہیں کر سکتی،” آرمی چیف نے واضح کیا۔
جنرل عاصم منیر کا کہنا تھا کہ آپریشن بنیان مرصوص کے دوران افواجِ پاکستان کا یکجہتی پر مبنی جرأت مندانہ ردعمل اور قوم کی غیر متزلزل حمایت عسکری تاریخ میں ایک ناقابلِ فراموش باب کے طور پر یاد رکھا جائے گا۔
اسلام آباد: وفاقی کابینہ نے متفقہ طور پر مذہبی جماعت تحریک لبیک پاکستان (ٹی ایل پی) کو انسدادِ دہشتگردی ایکٹ…
اسلام آباد پولیس کے سینئر افسر ایس پی انڈسٹریل ایریا عدیل اکبر کی مبینہ خودکشی کی خبر نے دارالحکومت کی…
فرانسیسی پولیس نے منگل کے روز اُن چوروں کی تلاش تیز کر دی جنہوں نے لوور میوزیم سے قیمتی شاہی…
اسلام آباد (ایم وائے کے نیوز ٹی وی) ترجمان دفتر خارجہ شفقت علی خان نے ہفتہ وار پریس بریفنگ کے…
وفاقی وزیر توانائی اویس لغاری نے ایک بڑے انکشاف میں بتایا ہے کہ پاکستان آئندہ دو ماہ میں توانائی کے…