اہلکاروں پر تشدد کیس: عبدالعلیم خان، شعیب صدیقی سمیت تمام ملزمان بری

انسداد دہشت گردی عدالت نے اہلکاروں پر تشدد کے مقدمے میں عبدالعلیم خان، شعیب صدیقی اور دیگر ملزمان کو بری کر دیا۔ کیس کی سماعت عدالت کے جج ارشد جاوید نے کی۔ یہ مقدمہ تھانہ چوہنگ پولیس کی جانب سے درج کیا گیا تھا، جس میں الزام لگایا گیا تھا کہ ملزمان نے روڈا کی 55 کنال سرکاری اراضی کو غیر قانونی طور پر پارک ویو میں شامل کیا اور دوران کارروائی اہلکاروں پر تشدد کیا۔ تاہم، عدالت نے شواہد کی عدم دستیابی کی بنیاد پر تمام ملزمان کو بری کر دیا۔