کراچی: پاکستان میں خلائی تحقیق کے ادارے سپارکو نے چاند روور کے لیے نام تجویز کرنے کے قومی مقابلے کا اعلان کردیا، جس میں بہترین نام تجویز کرنے والے کو ایک لاکھ روپے انعام دیا جائے گا۔ سپارکو کے ترجمان کے مطابق یہ ایک منفرد موقع ہے کہ پاکستانی شہری اپنے تجویز کردہ نام کے ذریعے ملک کے پہلے چاند مشن کا حصہ بن سکیں۔ اس مقابلے میں پورے ملک سے افراد شرکت کر سکتے ہیں اور سب سے بہترین نام کو حتمی طور پر پاکستانی چاند روور کا نام دے دیا جائے گا۔
پاکستان 2028 میں اپنا پہلا چاند روور مشن لانچ کرے گا، جو خلائی تحقیق کے شعبے میں ایک اہم سنگ میل ہوگا۔ گزشتہ سال مئی میں پاکستان نے اپنا پہلا قمری سیٹلائٹ "کیوب آئی قمر” چین کے مشن Chang’e 6 کے ساتھ چاند کے مدار میں بھیجا تھا، جس کے بعد پاکستان چاند کے گرد سیٹلائٹ بھیجنے والا دنیا کا چھٹا ملک بن گیا۔
مقابلے کی تفصیلات اور شرکت کے طریقہ کار کے حوالے سے مزید معلومات جلد جاری کی جائیں گی۔ یہ مقابلہ نوجوانوں، طلبہ، اور خلائی تحقیق میں دلچسپی رکھنے والے افراد کے لیے ایک نایاب موقع ہے کہ وہ ملک کی تاریخ میں اپنا نام درج کرا سکیں اور انعام بھی حاصل کریں۔
اسلام آباد: وفاقی کابینہ نے متفقہ طور پر مذہبی جماعت تحریک لبیک پاکستان (ٹی ایل پی) کو انسدادِ دہشتگردی ایکٹ…
اسلام آباد پولیس کے سینئر افسر ایس پی انڈسٹریل ایریا عدیل اکبر کی مبینہ خودکشی کی خبر نے دارالحکومت کی…
فرانسیسی پولیس نے منگل کے روز اُن چوروں کی تلاش تیز کر دی جنہوں نے لوور میوزیم سے قیمتی شاہی…
اسلام آباد (ایم وائے کے نیوز ٹی وی) ترجمان دفتر خارجہ شفقت علی خان نے ہفتہ وار پریس بریفنگ کے…
وفاقی وزیر توانائی اویس لغاری نے ایک بڑے انکشاف میں بتایا ہے کہ پاکستان آئندہ دو ماہ میں توانائی کے…