لاہور میں پہلی الیکٹرک ٹرام کا افتتاح۔ روٹ میپ تیار کر لیا گیا

لاہور (ایم وائے کے نیوز ٹی وی) اورنج لائن ٹرین اور الیکٹرک بسوں کے بعد لاہور کی پبلک ٹرانسپورٹ میں ایک اور جدید اور ماحول دوست اضافہ، الیکٹرک ٹرام کی صورت میں ہو گیا۔ چین سے درآمد کی گئی پہلی الیکٹرک ٹرام لاہور پہنچ چکی ہے اور اسے ابتدائی طور پر کینال روڈ پر پائلٹ پروجیکٹ کے طور پر چلایا جائے گا۔

پنجاب حکومت کے ذرائع کے مطابق یہ منصوبہ لاہور کی ٹرانسپورٹ کو جدید خطوط پر استوار کرنے کی جانب ایک اور اہم قدم ہے۔ تین کمپارٹمنٹس پر مشتمل یہ ٹرام مکمل طور پر بجلی سے چلتی ہے اور ایک وقت میں 250 مسافروں کو لے جانے کی صلاحیت رکھتی ہے۔ الیکٹرک ٹرام کی سب سے نمایاں خصوصیت اس کی بے مثال توانائی بچت ہے۔ صرف 10 منٹ کی چارجنگ سے یہ ٹرام 25 سے 27 کلومیٹر کا فاصلہ طے کر سکتی ہے۔ فی الحال علی ٹاؤن ڈپو پر اس کی اسمبلی کا کام جاری ہے جہاں پائلٹ فیز کی تیاریاں حتمی مراحل میں داخل ہو چکی ہیں۔