خیبر پختونخوا میں نئے تیل اور گیس کے ذخائر سے پیداوار شروع

خیبر پختونخوا میں نئے تیل اور گیس کے ذخائر سے پیداوار شروع

خیبر پختونخوا میں نئے دریافت ہونے والے تیل اور گیس کے ذخائر سے پیداوار کا آغاز ہو گیا ہے۔ آئل اینڈ گیس ڈیولپمنٹ کمپنی (او جی ڈی سی ایل) نے لکی مروت کے سمانسک فیلڈ میں بیٹانی 2 کنویں سے تیل اور گیس نکالنا شروع کر دیا ہے۔

او جی ڈی سی ایل نے پاکستان اسٹاک ایکسچینج کو بھیجے گئے ایک خط میں بتایا کہ یہ کنواں روزانہ 8.5 ایم ایم ایس سی ایف قدرتی گیس اور 610 بیرل تیل پیدا کر رہا ہے۔ گیس کو بیٹانی پراسیسنگ پلانٹ کے ذریعے ایس این جی پی ایل سسٹم میں شامل کیا جا رہا ہے۔

یاد رہے کہ او جی ڈی سی ایل نے 13 دسمبر 2024 کو سمانسک فیلڈ میں قدرتی ذخائر کی دریافت کی اطلاع دی تھی۔ اس فیلڈ میں او جی ڈی سی ایل کا 100 فیصد ورکنگ شیئر ہے۔

یہ نئے ذخائر پاکستان کے توانائی کے شعبے کے لیے ایک اہم پیش رفت ہیں، جو ملک کی توانائی کی ضروریات کو پورا کرنے میں مددگار ثابت ہوں گے۔