لاہور کے تاریخی نہرو پارک کی تزئین و آرائش اور بحالی کا فیصلہ
پارکس اینڈ ہارٹی کلچر اتھارٹی (پی ایچ اے) نے لاہور کے تاریخی نہرو پارک کی تزئین و آرائش اور بحالی کا فیصلہ کرلیا ہے۔
نہرو پارک کا نام برصغیر کی اہم سیاسی شخصیت جواہر لال نہرو سے منسوب ہے۔ دسمبر 1929 میں لاہور میں کانگریس کا تاریخی اجلاس بھی اسی باغ میں جواہر لال نہرو کی زیرِ صدارت منعقد ہوا تھا، جس میں ہندوستان کی مکمل آزادی کو کانگریس کا مقصد قرار دینے کی قرارداد منظور کی گئی تھی۔
پی ایچ اے کے مطابق نہرو پارک کی تاریخی اہمیت کو مدنظر رکھتے ہوئے اس کی بحالی کے لیے خصوصی اقدامات کیے جا رہے ہیں۔
پی ایچ اے کے شعبہ ہارٹی کلچر کی جانب سے پارک میں گھاس کے ساتھ دیدہ زیب موسمی اور سجاوٹی پھول لگائے جائیں گے، جبکہ شعبہ انجینئرنگ کی جانب سے فوارے، نائٹ لائٹس اور بچوں کے لیے جھولے بھی نصب کیے جائیں گے۔
نہرو پارک میں کرکٹ کے شائقین کے لیے عالمی معیار کا پویلین بھی تعمیر کیا جائے گا۔
ڈی جی پی ایچ اے احمد عثمان جاوید کا کہنا ہے کہ نہرو پارک کی بحالی سے شہریوں کو بہترین تفریحی اور صحت مندانہ سہولیات میسر آئیں گی۔
جنگ اور دی نیوز میں شائع رپورٹ میں بتایا گیا ہےکہ پلاننگ کمیشن کی ایک رپورٹ کے مطابق پاکستان…
لاہور: لاہور ہائیکورٹ نے ایس ایچ او کوٹ لکھپت افضل رؤف پر عائد 200 روپے جرمانے کی سزا معطل کردی۔…
راولپنڈی: بلوچستان میں سکیورٹی فورسز کی مختلف کارروائیوں کے دوران 9 دہشتگرد ہلاک ہوگئے۔ پاک فوج کے شعبہ تعلقات عامہ…
اسلام آباد: چیئرمین پی ٹی آئی بیرسٹر گوہر نے کہا ہے کہ پی ٹی آئی پارلیمانی پارٹی ایمرجنسی اور گورنر…
اسلام آباد: جماعت اسلامی اور حکومتی کمیٹیوں کے درمیان پیٹرولیم لیوی میں کمی کے طریقہ کار پر اتفاق ہوگیا۔ ذرائع…